పవర్ స్టార్ పవన్ కళ్యాణ్ ‘హరిహర వీరమల్లు’ మూవీ షూటింగ్ ను తిరిగి స్టార్ట్ చేసిన సంగతిఅందరికి తెలిసిందే. మార్చి 28న, 2025న గ్రాండ్ గా ఈ మూవీ రిలీజ్ కాబోతుంది. ఐతే, ఈరోజు ఈ మూవీ కొత్త షెడ్యూల్ షూటింగ్ ప్రారంభమవుతుంది. ఈ మూవీ లోని కీలక తారాగణం ఈ షెడ్యూల్ లో పాల్గొనబోతున్నారు. అన్నట్టు ఈ మూవీ నుండి మొదటి సింగిల్‌ని విడుదల చేయడానికి మేకర్స్ సన్నాహాలు చేస్తున్నారు. దీపావళి శుభ సందర్భంగా విడుదల చేయాలని మేకర్స్ అందరూ ప్లాన్ చేస్తున్నారు. ఇందుకు సంబంధించి త్వరలోనే అధికారిక ప్రకటన కూడా వచ్చే అవకాశం ఉంది. ఈ పాట తెలుగు వెర్షన్‌కి పవన్ కళ్యాణ్ స్వయంగా తన గాత్రాన్ని అందించడం విశేషం.
కాగా డైరెక్టర్ జ్యోతి కృష్ణ దర్శకత్వంలో ఈ మూవీ రాబోతుంది. ఈ మూవీ లో నిధి అగర్వాల్ తో పాటు బాబీ డియోల్, సునీల్, రఘుబాబు, సుబ్బరాజు మరియు నోరా ఫతేహి ప్రధాన పాత్రల ల్లో నటిస్తున్నారు. ఈ మూవీ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కాగా మెగా సూర్య ప్రొడక్షన్స్ బ్యానర్ పై ఎ దయాకర్ రావు నిర్మిస్తున్న ఈ మూవీ కి ఆస్కార్ విన్నింగ్ మ్యూజిక్ డైరెక్టర్ ఎంఎం కీరవాణి సంగీతం అందిస్తున్నారు. అన్నట్టు క్రిష్ జాగర్లమూడి ఈ మూవీ లోని పలు సన్నివేశాలకు దర్శకత్వం వహించిన సంగతి తెలిసిందే.