టాలెంటెడ్ యంగ్ హీరో తేజ సజ్జ హీరోగా అమృత అయ్యర్ హీరోయిన్ గా దర్శకుడు ప్రశాంత్ వర్మ తెరకెక్కించిన లేటెస్ట్ మూవీ “హను మాన్”. మరి మన టాలీవుడ్ నుంచి మొదటి సూపర్ హీరో మూవీగా ఇది రాగా ఇది భారీ అంచనాలు నడుమ రిలీజ్ అయ్యి వాటిని మించి పెద్ద హిట్ అయ్యింది. అయితే ఈ మూవీ కి సీక్వెల్ గా “జై హనుమాన్” ని మేకర్స్ కన్ఫర్మ్ చేసిన విషయం తెలిసిందే.
గత కొన్ని వారాలు కితమే ఈ మూవీ పనులు కూడా స్టార్ట్ చేయగా ఆడియెన్స్ ఈ మూవీ కోసం ఆసక్తిగా ఎదురు చూస్తున్నారు. అయితే ఇప్పుడు జై హనుమాన్ పై ఇంట్రెస్టింగ్ అప్డేట్ ను దర్శకుడు ప్రశాంత్ వర్మ మూవీ 50 డేస్ వేడుకలో పంచుకున్నాడు. జై హనుమాన్ ఫస్ట్ లుక్ పోస్టర్ ని అతి త్వరలోనే రిలీజ్ చేస్తామని అప్పుడే ఫస్ట్ లుక్ పై కూడా అప్డేట్ ఇచ్చేసాడు.
అంతే కాకుండా ఆల్రెడీ షూట్ కూడా శరవేగంగా జరుగుతోంది అని హను మాన్ క్లైమాక్స్ లో ఎలాంటి హై ఉందో అలాంటి హై జై హను మాన్ లో 2 గంటల పాటు ఉంటుంది అని ప్రామిస్ చేశాడు . దీనితో ఇప్పుడు ఈ మూవీ కోసం ఫ్యాన్స్ చాలా ఎగ్జైటెడ్ గా ఎదురు చూస్తున్నారు. ఇక ఈ మూవీ కి గౌర హరీష్ సంగీతం అందిస్తున్నాడు అలాగే నిర్మాత నిరంజన్ రెడ్డి ఈ మూవీ ని మరింత గ్రాండ్ గా ప్లాన్ చేస్తున్నారు.
