మంచు లక్ష్మీ సోషల్ మీడియాలో ఎంత యాక్టివ్‌గా ఉంటుందో అందరికీ తెలిసిందే. గత ఏడాది లాక్డౌన్ సమయంలో మంచు లక్ష్మీ ఓ యూట్యూబ్ చానెల్ పెట్టేసింది. తన కూతురితో కలిసి కొన్ని వీడియోలు చేసింది. ఇక మళ్లీ ఓ చానెల్ పెట్టేసింది. అందులో హోం టూర్ అంటూ రకరకాల వీడియోలను షేర్ చేసింది. మంచు లక్ష్మీ తన ఇంటి విశేషాలను చూపిస్తూ చేసిన హోం టూర్ వీడియో బాగానే వైరల్ అయింది. అందుకే ఈ సారి మోహన్ బాబు ఇంటిని చూపించేసింది.
మోహన్ బాబు సిటికీ దూరంగా శంషాబాద్‌లో ప్రకృతి మధ్యలో నివసిస్తుంటాడని అందరికీ తెలిసిందే. మోహన్ బాబుకు హైద్రాబాద్‌లో ఫిల్మ్ నగర్‌లో ఓ ఇళ్లు ఉందన్న సంగతి తెలిసిందే. అందులో మంచు లక్ష్మీ ఉంటుంది. ఇక శంషాబాద్ ఏరియాలోని ఇంట్లో మోహన్ బాబు ఉంటాడు. అయితే ఈ ఇంటిని చూస్తే ఎవ్వరైనా షాక్ అవ్వాల్సిందే.
మోహన్ బాబు హోం టూర్‌ను చూస్తే ఆయన అభిరుచి ఏంటన్నది అర్థమవుతుంది. పచ్చని వాతావరణం, ఎటు చూసినా చెట్లతో నిండి ఉంటుంది. ఇక మోహన్ బాబు ఇల్లు ఇంద్ర భవనం మాదిరిగానే ఉంది. గ్రౌండ్ ఫ్లోర్ మొత్తం కూడా ఎంటర్టైన్మెంట్ సెక్షన్ అట. గ్రౌండ్ ఫ్లోర్‌లోనే స్టోరీ డిస్కషన్స్, డ్యాన్స్, యాక్షన్ రిహార్సల్స్ చేసుకునేందుకు వీలుగా కట్టించారట. అందులోనే ఓ థియేటర్ కూడా ఉందట.