యువ నటుడు మెగా ప్రిన్స్ వరుణ్ తేజ్, అలానే యువ నటీమణి లావణ్య త్రిపాఠి ఈ నెల 1వ తేదీన వైభవంగా ఇటలీలో పెళ్లి చేసుకున్న విషయం అందరికి తెలిసిందే. శ్రీనువైట్ల తెరకెక్కించిన మిస్టర్ సినిమాలో కలిసి నటించిన ఈ ఇద్దరు, ఆ సమయంలో ప్రేమలో పడ్డారు. అనంతరం ఇరు కుటుంబాల పెద్దలని ఒప్పించి చివరకి వివాహం చేసుకున్నారు.
లావణ్య కుటుంబ సభ్యులతో పాటు మెగా కుటుంబసభ్యులు అందరూ కలిసి పాల్గొన్న వీరి పెళ్లివేడుక మూడు రోజుల పాటు చాలా వైభవంగా జరిగింది. మ్యాటర్ ఏమిటి అంటే , వీరి పెళ్లి సమయంలో జరిగిన కాక్ టెయిల్ పార్టీలో ప్రత్యేకంగా సందడి చేసిన మెగా పవర్ స్టార్ రామ్ చరణ్, ఉపాసనల తో కలిసి వరుణ్, లావణ్య ఇద్దరూ కలిసి దిగిన మెమొరబుల్ పిక్ ప్రస్తుతం సోషల్ మీడియాలో బాగా వైరల్ అవుతోంది. ఈ పిక్ లో చరణ్, వరుణ్ ఇద్దరూ కూడా వైట్ అండ్ బ్లాక్ కలర్ కాంబినేషన్ కలిగిన ట్రెండీ స్టైల్ సూట్స్ లో అదరగొట్టారు..
