టాలీవుడ్ మెగాస్టార్ చిరంజీవి వరుస సినిమాలతో దూసుకెళ్తున్నారు. ఇటీవలే వాల్తేరు వీరయ్య హిట్ జోష్ మీద ఉన్న చిరు.. ఇప్పుడు తన నెక్స్ట సినిమాపై ఫోకస్ చేస్తున్నారు. మెగాస్టార్ లేటెస్ట్ సినిమా షూటింగ్ ఇటీవలే మొదలైంది. మారేడుమిల్లి అడవుల్లో కీలక సన్నివేశాల్ని తెరకెక్కిస్తున్న ఈ సెట్లోకి త్వరలోనే చిరంజీవి అడుగు పెట్టనున్నారు. వశిష్ట దర్శకత్వంలో తెరకెక్కుతున్న ఈ సినిమాలో చిరంజీవి సరసన నటించే హీరోయిన్పై గత కొంతకాలంగా చర్చ జరుగుతోంది.
అయితే మొదట బాలీవుడ్ బ్యూటీలు.. ఆ తర్వాత అనుష్క.. ఇలా చాలా మంది పేర్లు వినిపిస్తున్నాయి . అయితే ఈ ఛాన్స్ ఎట్టకేలకు తమిళ్ బ్యూటీ త్రిషకు దక్కినట్లు తెలుస్తుంది . ఇప్పటికే చిరంజీవి-త్రిష ఇద్దరు కలిసి స్టాలిన్ సినిమా లో నటించిన విషయం తెలిసిందే. అయితే దాదాపు 17 ఏళ్ల తర్వాత ఈ జోడీ మళ్లీ కలిసి వెండితెరపై సందడి చేయనున్నారు . ఈ కాంబో కోసం ప్రేక్షకులు చాలా ఆసక్తిగా ఎదురుచూస్తున్నారు. యు.వి.క్రియేషన్స్‌ సంస్థ నిర్మిస్తున్న ఈ సినిమాకు ‘విశ్వంభర’ అనే పేరు ప్రచారంలో ఉన్నది .
