నిజంగా ప్రతి ఒక్కరూ ముందు ఆరోగ్యం పట్ల శ్రద్ధ తీసుకోవాలి. హార్ట్ ఎటాక్ వంటి సమస్యలు చాలా మందిలో వస్తున్నాయి. అయితే పెద్ద వాళ్లలో మాత్రమే కాకుండా ఈ సమస్యలు యువతలో కూడా ఎక్కువయ్యాయి. మనం సర్వే ప్రకారం చూసుకున్నట్లయితే… 35 ఏళ్ల కంటే తక్కువ వయస్సు ఉన్న వాళ్ళలో హార్ట్ ఎటాక్ సమస్య 35 శాతం పెరిగింది అని తెలుస్తోంది. అయితే ఈ రోజు కార్డియో వాస్క్యులర్ సమస్యల గురించి ఎన్నో విషయాలు తెలుసుకుందాం. మరి ఇక ఆలస్యం ఎందుకు దీని కోసం ఇప్పుడే పూర్తిగా చూసేయండి.
మామూలుగా జీవన విధానం సరిగ్గా లేకపోవడం, ఒబేసిటీ వలన హృదయ సంబంధిత సమస్యలు ఎక్కువగా వస్తున్నాయి. అదే విధంగా ఎక్కువ వ్యాయామం చేయడం కూడా హృదయ సంబంధిత సమస్యలకు దారి తీస్తోంది అని ఎక్స్పర్ట్ అంటున్నారు. ముందుగా ఫిట్నెస్‌పై శ్రద్ధ పెట్టాలని మంచి బాడీ కోసం వర్కౌట్ చేయాలన్న ఆలోచన తీసేస్తే మంచిది. బాగా అధికంగా వ్యాయామం చేయడం వల్ల కూడా హృదయ సంబంధ సమస్యలు వస్తున్నాయని డాక్టర్లు చెబుతున్నారు.
ఫిట్‌గా ఉండాలనే ఆలోచన నెగిటివ్‌గా ఇబ్బందులకు దారి తీస్తోంది. ఫిట్‌గా ఉండాలనే ఆలోచన వలన వాళ్ళని వాళ్ళు ఇబ్బందుల్లోకి నెట్టేసుకుంటున్నారు. ప్రతి ఒక్కరు కూడా ఆరోగ్యం గురించి ఆలోచించాలి. శారీరక ఆరోగ్యం, మానసిక ఆరోగ్యం గురించి ప్రత్యేకంగా శ్రద్ధ తీసుకుంటూ ఉండాలి. అంతే కానీ ఫిట్నెస్ పేరుతో మిమ్మల్ని మీరు ఇబ్బంది పెట్టకూడదు. దీనివల్ల మీ ఆరోగ్యం కూడా దెబ్బ తింటుంది అని గ్రహించాలి.
అధికంగా వ్యాయామం చేయడం వల్ల బ్లడ్ ప్రెజర్‌లో ఎక్స్ట్రా ప్రెషర్ వస్తుంది. దీని కారణంగా హైబీపీ మరియు హార్ట్ ఎటాక్ సమస్యలు వస్తాయి. ప్రతి రోజు కూడా మీకు అవసరమయ్యే పోషక పదార్థాలు తీసుకోవాలి. మానసిక ఆరోగ్యాన్ని అసలు నెగ్లెక్ట్ చేయకూడదు. నెమ్మదిగా వ్యాయామం చేసి మీ ఫిజికల్ కెపాసిటీని పెంచుకోవాలి. అంతే కానీ ఫిట్నెస్ పేరుతో మిమ్మల్ని మీరు ఇబ్బందులని కొని తెచ్చుకోండి.
వంశపార్యం పరంగా కూడా హృదయ సంబంధిత సమస్యలు వస్తాయా అనే విషయంలోకి వస్తే… ఉదాహరణకు యాభై ఏళ్ల వ్యక్తికి హార్ట్ ఎటాక్ వచ్చింది అంటే వాళ్ళ కొడుకుకి కూడా అదే వయసులో హార్ట్ ఎటాక్ సమస్యలు వచ్చే అవకాశం ఉంటుందని కొంతమంది డాక్టర్స్ అంటున్నారు.
ప్రతి ఒక్కరు కూడా ఇలా వంశపార్యం పరంగా వచ్చే అనారోగ్య సమస్యలపై దృష్టి పెట్టాలి. ముందు రాబోయే రిస్క్ గురించి తెలుసుకోవాలి. అలానే రెగ్యులర్ గా హెల్త్ చెకప్స్ చేయించుకుంటూ ఉండాలి అని డాక్టర్లు అన్నారు. కానీ చాలా మంది ఇలా వంశపార్యం పరంగా వచ్చే సమస్యల్ని అసలు గుర్తించరు. హఠాత్తుగా వీటి వల్ల కూడా ముప్పు వస్తుంది అందుకని ముందు నుండి చెకప్స్ చేయించుకోవడం ఉత్తమం.
మహమ్మారి సమయంలో చాలా మంది కార్డియో వాస్క్యులర్ సమస్యలతో బాధ పడ్డారు అదే విధంగా బ్లడ్ ప్రెషర్, స్ట్రోక్ వంటివి సరైన జీవన విధానం లేకపోవడం వల్ల వచ్చాయని డాక్టర్లు అంటున్నారు.ఎవరి ఆరోగ్యం పట్ల వాళ్లే శ్రద్ధ తీసుకుంటూ ఉండాలి. చిన్న చిన్న అనారోగ్య లక్షణాలను కూడా వదిలేయద్దు. ఎప్పుడూ కూడా రెగ్యులర్ గా చెకప్స్ చేయించుకుంటూ ఉండాలి అలానే వ్యాయామాలను కూడా చేయాలి. శారీరక ఆరోగ్యం పట్ల మానసిక ఆరోగ్యం పట్ల తప్పక శ్రద్ధ తీసుకుంటూ ఉండాలి. ఇలా చేస్తే సమస్యలు రావు.