నేషనల్ క్రష్ రష్మిక మందన్న పెళ్లి తర్వాత మళ్ళీ తన ప్రొఫెషనల్ లైఫ్లో ఫుల్ స్పీడ్లో దూసుకుపోతోంది. ఇప్పటివరకు ఆమె చేసిన అన్ని సినిమాలకన్నా ఇప్పుడు చేస్తున్న ‘మైసా’ పూర్తిగా భిన్నమైన అనుభవం. ఈ చిత్రం కోసం రష్మిక చూపిస్తున్న అసాధారణ డెడికేషన్ ఇండస్ట్రీని ఆశ్చర్యపరుస్తోంది. బ్యాంకాక్లో రోజుకు ఏకంగా 8 గంటల కఠిన శిక్షణ తీసుకుంటున్న ఆమె విజువల్స్ ప్రస్తుతం సోషల్ మీడియాలో వైరల్గా మారాయి.
గోండు గిరిజన యువతిగా రష్మిక
కొత్త దర్శకుడు రవీంద్ర పుల్లె నిర్దేశంలో అన్ఫార్ములా ఫిల్మ్స్ నిర్మిస్తున్న ఈ చిత్రంలో రష్మిక ఒక గోండు గిరిజన యువతి పాత్రలో కనిపించనుంది. పాత్ర డిమాండ్కు తగ్గట్లుగా అటు భావోద్వేగపరంగా, ఇటు శారీరకంగా తనను తాను సంపూర్ణంగా మార్చుకుంటోంది. ఇందుకోసమే ప్రస్తుతం బ్యాంకాక్లో ఇంటర్నేషనల్ స్టంట్ డైరెక్టర్ ఆండీ లాంగ్ పర్యవేక్షణలో కఠినమైన యాక్షన్ బూట్ క్యాంప్లో పాల్గొంటోంది. హ్యాండ్-టు-హ్యాండ్ కంబాట్, హై-స్పీడ్ యాక్షన్ సీక్వెన్సులు, స్టంట్స్ అన్నీ గ్లోబల్ ఎక్స్పర్ట్స్ వద్ద నేర్చుకుంటోంది. ఎప్పుడూ సాఫ్ట్గా, నవ్వుతూ కనిపించే రష్మిక ఇప్పుడు పూర్తిగా కండలు తిరిగిన ఫైటర్లా అవతరిస్తోంది.
కేరళలో భారీ యాక్షన్ షెడ్యూల్
బ్యాంకాక్ ట్రైనింగ్ తర్వాత త్వరలోనే కేరళలో వరుసగా 16 రోజుల పాటు కీలకమైన యాక్షన్ షెడ్యూల్ ప్రారంభం కానుంది. లేడీ ఓరియెంటెడ్ యాక్షన్ చిత్రాల్లో ‘మైసా’ కొత్త బెంచ్మార్క్ సెట్ చేస్తుందని చిత్ర యూనిట్ దృఢంగా నమ్ముతోంది.
నటీమణులు ఈశ్వరీ రావు మరియు సీనియర్ నటులు గురు సోమసుందరం, రావు రమేష్ కీలక పాత్రలు పోషిస్తున్న ఈ చిత్రానికి జేక్స్ బిజోయ్ సంగీతం, శ్రేయాస్ పి కృష్ణ సినిమాటోగ్రఫీ అందిస్తున్నారు.
కేవలం గ్లామర్కే పరిమితం కాకుండా తనలోని అసలైన నటిని బయటికి తీసుకొచ్చేందుకు రష్మిక చేస్తున్న ఈ సాహసయాత్ర ఆమె కెరీర్లో నిస్సందేహంగా ఒక మైలురాయిగా నిలిచిపోనుంది.
