ఊహ‌లు గుస‌గుస‌లాడే సినిమాతో తెలుగు ప్రేక్ష‌కుల‌కి ద‌గ్గ‌రైన కుర్ర హీరో నాగ‌శౌర్య. ఇటీవల ఓ బేబి చిత్రంతో ప్రేక్ష‌కుల‌ని ప‌ల‌క‌రించాడు. ఈ చిత్రం మంచి విజ‌యం సాధించినప్ప‌టికీ, ఫుల్ క్రెడిట్స్ స‌మంత‌కే ద‌క్కాయి.సాయి పల్లవితో నటించిన ‘కణం’ సినిమా కూడా ఆశించిన ఫలితాలను ఇవ్వలేదు.సరదాగా సాగిపోయే ‘కళ్యాణ వైభోగం’ సినిమా ప్రేక్షకులను ఎంతో ఆకట్టుకుంది.తరువాత ఎన్ని సినిమాల్లో నటించినా తగిన పేరు సాధించలేకపోయినప్పటికి, తన అందంతో అమ్మాయిల మనసులను దోచుకుంటున్నాడు ఈ కుర్ర హీరో . తాజాగా నాగ‌శౌర్య ప్రాజెక్ట్ సంబంధించి అఫీషియ‌ల్ అనౌన్స్‌మెంట్ చేశారు. సితార ఎంటర్‌టైన్‌మెంట్ బ్యాన‌ర్‌పై నాగ శౌర్య హీరోగా ప్రాజెక్ట్ తెర‌కెక్క‌నుంది. ఈ చిత్రాన్నిడెబ్యూ డైరెక్ట‌ర్ ల‌క్ష్మీ సౌజ‌న్య తెర‌కెక్కించ‌నున్నారు. అక్టోబ‌ర్ నుండి సెట్స్ పైకి వెళ్ళ‌నున్న ఈ చిత్రం వ‌చ్చే ఏడాది మేలో విడుద‌ల కానుంది. చిత్ర న‌టీన‌టులు, సాంకేతిక నిపుణుల‌కి సంబంధించిన పూర్తి వివ‌రాలు త్వరలో వెల్ల‌డించ‌నున్నారు.