ఎన్టీఆర్ బయోపిక్ ఆలోచన మొదలు అయినప్పటి నుంచే ఆ సినిమా చుట్టూ ప్రేక్షకుల దృష్టి మళ్లింది. తేజ నుంచి క్రిష్ దర్శకత్వ బాధ్యతలు చేపట్టాక అంచనాలు కూడా పెరిగాయి. ఎప్పుడైతే ఆ సినిమా ఫస్ట్ లుక్ విడుదల అయ్యిందో అప్పటి నుంచి అమాంతం క్రేజ్ పెరిగిపోయింది. ఎన్టీఆర్ ని బాలయ్యలో చూసుకుంటున్న తెలుగు ప్రేక్షకులు ఎప్పుడెప్పుడు సినిమా రిలీజ్ అవుతుందా అని ఎదురు చూస్తున్నారు. వరసగా ఈ సినిమాలో ముఖ్య పాత్రల గెట్ అప్స్ వస్తూనే వున్నాయి.
ఎన్టీఆర్ బయోపిక్ క్రేజ్ అంతకంతకు పెరుగుతోంది. ఇంతలో కీరవాణి సంగీత దర్శకత్వంలో వచ్చిన కథానాయక పూర్తి నిడివి పాట ఇప్పుడు సోషల్ మీడియాని ఊపేస్తోంది. పాట విడుదల అయిన 24 గంటల్లో పెద్ద సంఖ్యలో నెటిజన్లు దాన్ని చూసారు , విన్నారు. ఖైలాష్ ఖేర్ పాడిన కథానాయక పాటలో సంస్కృత పదాలు బాగా వాడారు. అయితే భావ గాంభీర్యాన్ని ప్రదర్శిస్తూ కీరవాణి చేసిన ట్యూన్ తో రసహృదయులు ఈ పాటని బాగా ఎంజాయ్ చేస్తున్నారు.
