Posted [relativedate] at [relativetime time_format=”H:i”]
వరుస విజయాలతో దూసుకు వెళ్తున్న నాని, దిల్‌రాజుల కాంబినేషన్‌లో మూవీ అనగానే ఖచ్చితంగా సూపర్‌ హిట్‌ అంటూ అంచనాలు ఉన్నాయి. అంచనాలకు ఏమాత్రం తగ్గకుండా దర్శకుడు వేణు శ్రీరామ్‌ ఈ చిత్రాన్ని తెరకెక్కించాడు. నాని, సాయి పల్లవి జంటగా తెరకెక్కిన ‘మిడిల్‌ క్లాస్‌ అబ్బాయి’ చిత్రం విడుదలకు సిద్దం అయ్యింది. మరి కొన్ని రోజుల్లో ప్రేక్షకుల ముందుకు రాబోతున్న మిడిల్‌ క్లాస్‌ అబ్బాయి ఎలా ఉంటాడు చూపించేందుకు ట్రైలర్‌ను విడుదల చేయడం జరిగింది. నాని సినిమా అంటే ప్రేక్షకులు ఏం ఆశిస్తారు, ఎలా ఉండాలని కోరుకుంటారో అచ్చు అలాగే ఈ సినిమా ఉండబోతుందని ట్రైలర్‌ చూస్తుంటే అనిపిస్తుంది.
ముందు నుండి చెబుతున్నట్లుగా ఈ చిత్రంలో వదిన మరిదిల మద్య జరిగే సన్నివేశాలు సినిమాకు చాలా హైలైట్‌గా ఉంటాయని ట్రైలర్‌ను చూస్తుంటే అనిపిస్తుంది. సినిమాపై ఆసక్తితో పాటు పలు ప్రశ్నలను కూడా ట్రైర్‌ లేవనెత్తి, సినిమా చూసేలా ఆసక్తిని పెంచుతుంది. భారీ అంచనాలున్న ఈ సినిమాను ఈనెల 21న విడుదల చేసేందుకు అన్ని ఏర్పాట్లు పూర్తి చేశారు. ప్రస్తుతం సినిమాకు సంబంధించిన పోస్ట్‌ ప్రొడక్షన్‌ వర్క్‌ చివరి దశలో ఉన్నాయి.
నాని వరుస సక్సెస్‌లను ఈ చిత్రం కొనసాగిస్తుందని, ఈ సంవత్సరంలో దిల్‌రాజు బ్యానర్‌కు డబుల్‌ హ్యాట్రిక్‌ను ఈ చిత్రం దక్కిస్తుందని ట్రైలర్‌ చూస్తుంటే అనిపిస్తుంది. ‘హలో’కు పోటీగా విడుదల కాబోతున్న ఈ చిత్రం ఆ సినిమా స్థాయిలోనే ఉంటుందని ట్రైలర్‌తో తేలిపోయింది. సాయి పల్లవి, నానిల మద్య రొమాన్స్‌, నాని భూమికల మద్య వదిన మరిది సంబంధం చాలా సహజంగా ఉంటుందని తేలిపోయింది. తప్పకుండా మిడిల్‌ క్లాస్‌ కుర్రాడు అన్ని వర్గాల ప్రేక్షకులను ఆకట్టుకుంటాడు.
