మలయాళ స్టార్ దుల్కర్ సల్మాన్ నటించిన లేటెస్ట్ సినిమా ‘లక్కీ భాస్కర్’ దీపావళి కానుకగా రిలీజ్ అయ్యి మంచి టాక్‌తో దూసుకుపోతుంది. ఈ మూవీ ని దర్శకుడు వెంకీ అట్లూరి డైరెక్ట్ చేయగా, పూర్తి ఎంటర్‌టైనింగ్ కథతో ఈ మూవీ ప్రేక్షకులని అలరిస్తోంది. అటు వసూళ్ళ పరంగా కూడా ‘లక్కీ భాస్కర్’ సాలిడ్ కలెక్షన్స్ ని రాబడుతున్నాడు.
అయితే, ఈ మూవీ ఓటీటీ రైట్స్‌ను ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ మంచి రేటుకు దక్కించుకుంది. కాగా, ఈ మూవీ ని ఎప్పుడు ఓటీటీలో స్ట్రీమింగ్ చేస్తారనే విషయంపై తాజాగా ఒక వార్త వినిపిస్తోంది. ‘లక్కీ భాస్కర్’ మూవీ ని నవంబర్ 30 నుండి ఓటీటీలో స్ట్రీమింగ్‌కి తీసుకొచ్చే అవకాశాలు ఉన్నాయని తెలుస్తోంది.
కానీ, ఈ విషయంపై అధికారిక ప్రకటన వచ్చే వరకు వెయిట్ చేయాల్సిందే అని అంటున్నారు . ఈ మూవీ లో అందాల భామ మీనాక్షి చౌదరి హీరోయిన్‌గా నటించగా జీవి.ప్రకాశ్ కుమార్ సంగీతాన్ని అందించాడు.
