బాలీవుడ్ బ్యూటీ సాయేషా సైగల్‌ కోలీవుడ్‌లో సెటిల్‌అయి చెన్నైని అత్తిల్లుగా మార్చేసుకుంది. ‘వనమగన్‌’ తొలి చిత్రంతోనే ప్రశంసలు అందుకున్న తరువాత వరుసగా అవకాశాలు వచ్చాయి.నటిగా మలుపు తిప్పిన చిత్రం గజనీకాంత్‌, ఈ చిత్రంలో ఆర్యతో సాన్నిహిత్యం పెరిగి ప్రేమగా మారి ఒక్కటయేలా చేసింది.సూర్య నటించిన కాప్పాన్‌ చిత్రషూటింగ్‌ సమయంలో ఆర్యతో ఏడడుగులు వేసింది. చివరిగా ఈ బ్యూటీ నటించిన చిత్రం కాప్పాన్‌లో ఆర్య కూడా ముక్య పాత్రలో నటించారు.
ఇటీవల సాయోషా ఇంటర్వ్యూలో మాట్లాడుతూ నటనకు కళ్లుచాలని,ఎన్ని భావాలనైనా కళ్ళు పలికిస్తాయని అందుకు భాషతో పనే లేదని చెప్పేసింది. అజయ్‌దేవగన్‌తో హిందీలో శివాయ్‌ చిత్రం విజయం సాదించాక బాలీవుడ్ లో చాలా అవకాశాలు వచ్చాయని,కాప్పాన్‌ చిత్రంలో నటించే స్థాయికి ఎదిగానని చెప్పింది.