బాలకృష్ణ ప్రధాన పాత్రలో క్రిష్‌ దర్శకత్వంలో తెరకెక్కుతున్న ‘ఎన్టీఆర్‌’ చిత్రంపై అంచనాలు రోజు రోజుకు పెరుగుతూనే ఉన్నాయి. తాజాగా ఎన్టీఆర్‌ పాత్రలో బాలకృష్ణ, ఏయన్నార్‌ పాత్రలో సుమంత్‌ ఉన్న ఒక పోస్టర్‌ను విడుదల చేశారు. ఆ పోస్టర్‌ ప్రస్తుతం సోషల్‌ మీడియాలో పెద్ద ఎత్తున వైరల్‌ అవుతుంది. భారీ అంచనాల నడుమ తెరకెక్కుతున్న ఈ చిత్రంలో ఎలాంటి వివాదం లేకుండా దర్శకుడు క్రిష్‌ ఈ చిత్రాన్ని చేస్తున్నాడు అంటూ చెప్పేందుకు ఇదే నిదర్శణం.
గతంలో ఎన్టీఆర్‌ మరియు ఏయన్నార్‌ల మద్య విభేదాలు ఉన్న విషయం తెల్సిందే. కెరీర్‌ ఆరంభంలో ఇద్దరు కూడా సన్నిహితంగా ఉన్నా కూడా ఆ తర్వాత తర్వాత ఇద్దరి మద్య గొడవ ప్రారంభం అయ్యిందని టాక్‌ వచ్చింది. ఎన్టీఆర్‌ సీఎం అయిన తర్వాత ఇద్దరి మద్య వివాదం మరింతగా ముదిరినట్లుగా అప్పట్లో టాక్‌ వచ్చింది. ఇద్దరు కూడా చాలా స్నేహంగా ఈ చిత్రంలో చూపించబోతున్నట్లుగా తెలుస్తోంది. చంద్రబాబు నాయుడు వెన్ను పోటును చూపించని దర్శకుడు క్రిష్‌ ఈ చిత్రంలో ఎన్టీఆర్‌, ఏయన్నార్‌ వివాదాన్ని కూడా చూపించడం లేదని క్లారిటీ వచ్చేసింది. సంక్రాంతి కానుకగా వచ్చే ఏడాది ఈ చిత్రాన్ని ప్రేక్షకుల ముందుకు తీసుకు రాబోతున్నారు. భారీ అంచనాలున్న ఈ చిత్రంలో విద్యాబాలన్‌ కీలక పాత్రలో నటిస్తున్న విషయం తెల్సిందే. రానా, సుమంత్‌ ఇంకా పలువురు ఈ చిత్రంలో కనిపించబోతున్నారు.
