కేవలం కడుపునొప్పితో వచ్చిన ఒక వ్యక్తిని ప్రముఖ హాస్పిటల్ సిబ్బంది కాటికి పంపించిన వైనం వెలుగులోకి వచ్చింది. దీంతో ఆస్పత్రి వద్ద ఉద్రిక్తత వాతావరణం నెలకొంది. మల్లేష్ గౌడ్ అనే వ్యక్తి కడుపు నొప్పితో బాధ పడుతూ ఉండేవాడు. దీంతో మల్లేష్ గౌడ్‌ను హైదరాబాద్‌లోని ప్రముఖ హాస్పిటల్‌కు తీసుకు వచ్చారు. ఆస్పత్రిలో అడ్మిట్ అయ్యారు. అయితే అక్కడి వైద్యులు అతనికి ఇంజక్షన్ ఇచ్చిన గంటలోపే మల్లేష్ గౌడ్ మృతిచెందాడు.
కేవలం కడుపునొప్పి అని సర్జరీ చేస్తే సరిపోతుందని వైద్యులు కుటుంబ సభ్యులకు ధైర్యం చెప్పి మల్లేష్ గౌడ్ కు ఇంజక్షన్ ఇచ్చారు. అయితే ఆపరేషన్ థియేటర్ లోకి తీసుకెళ్ళి తిరిగి తీసుకు వచ్చి మల్లేష్ గౌడ్ మృతిచెందినట్లు వైద్యులు వెల్లడించారు. దీంతో అతని కుటుంబ సభ్యులు ఆగ్రహానికి గురై కేవలం కడుపునొప్పి ఉన్న వ్యక్తి ఎలా మరణిస్తాడు వివరించాలంటూ తమకు సీసీ ఫుటేజ్ ను విడుదల చేయాలని కుటుంబ సభ్యులు డిమాండ్ చేశారు. ఆస్పత్రి ఎదుట ధర్నా నిర్వహించారు.
దీంతో కుటుంబ సభ్యులకు, హాస్పిటల్ సిబ్బందికి మధ్య వాగ్వివాదం చెలరేగింది. దీంతో అక్కడ ఉద్రిక్త వాతావరణం నెలకొంది.. తమకు న్యాయం జరిగే వరకు ఇక్కడి నుండి వెళ్లేది లేదని బంధువులు తేల్చి చెప్పారు. సమాచారం అందుకున్న పోలీసులు వెంటనే హాస్పటల్ వద్దకు భారీగా మోహరించారు. మృతుడి కుటుంబ సభ్యులకు నచ్చజెప్పే ప్రయత్నం చేస్తున్నారు.