జనసేన పార్టీ అధినేత పవన్ కళ్యాణ్ ఈ నెల 12, 13 తేదీల్లో కర్నూలులో జరుపనున్న పర్యటనలు సంబందించిన వివరాలను జనసేన పార్టీ అధికారికంగా ప్రకటించింది. జనసేన పార్టీ అధినేత పవన్ కల్యాణ్ కర్నూలు పర్యటన వివరాలను ఆ పార్టీ ప్రకటించింది. ఈ కర్నూలు టూర్ లో భారీ బహిరంగ సభతో పాటు కర్నూలులో ర్యాలీ కూడా నిర్వహించనున్నారు. కాగా విద్యార్థిని సుగాలి ప్రీతి అత్యాచారం, హత్య ఘటనకు పాల్పడ్డ నిందితులను కఠినంగా శిక్షించాలని డిమాండ్ చేస్తూ ఈ నెల 12న కర్నూలులో నిర్వహించే ర్యాలీ, బహిరంగ సభలో జనసేన అధినేత పవన్ కళ్యాణ్ పాల్గొననున్నారని పార్టీ ప్రకటించింది.
అంతేకాకుండా అదే రోజు మధ్యాహ్నం రాజ్ విహార్ కూడలి నుంచి కోట్ల కూడలి వరకూ పవన్ కళ్యాణ్ భారీ ర్యాలీ నిర్వహించనున్నారని, ఈ ర్యాలీలో జనసేన పార్టీకి సంబందించిన నేతలు, పార్టీ సంఘాలు, ప్రజా సంఘాలు, జనసైనికులు అందరు కూడా అధిక సంఖ్యలో పాల్గొంటారని సమాచారం. ఆ తరువాత 13వ తేదీ ఉదయం నుంచి సాయంత్రం వరకు కర్నూలు, ఎమ్మిగనూరులో పర్యటించి, అక్కడి ప్రజలందరి సమస్యలను తెలుసుకొని, వాటిని తీర్చేందుకు పోరాటాలు చేపడతారని సమాచారం.