మెగాపవర్ స్టార్ రామ్ చరణ్ నటిస్తున్న పీరియాడిక్ యాక్షన్ డ్రామా పెద్ది (Peddi) సెట్స్ గురించి తాజాగా ఓ ఆసక్తికరమైన అప్డేట్ బయటకు వచ్చింది. భారీ బడ్జెట్ ఖర్చు చేయడమే కాదు, ప్రేక్షకులను పూర్తిగా ఆ కాలంలోకి తీసుకెళ్లడమే అసలైన సవాల్ అని ‘పెద్ది’ టీమ్ బలంగా నమ్ముతోంది. అదే ఆలోచనను పక్కాగా అమలు చేసింది ఈ యూనిట్.
1970, 80ల కాలంలో సెట్ అయిన కథ కోసం, ప్రొడక్షన్ డిజైనర్ అవినాష్ కొల్లా టీమ్ ఏకంగా అప్పటి విజయనగరాన్ని తిరిగి నిర్మించింది. కథ డిమాండ్ మేరకు మొత్తం 24 భారీ సెట్స్తో పాటు మరో 60 నుంచి 70 చిన్న సెటప్స్ను కూడా రూపొందించారు. చిన్న సినిమాలైతే లొకేషన్లలో షూట్ చేయవచ్చు. కానీ రామ్ చరణ్ స్థాయి స్టార్ ఉన్న ప్రాజెక్ట్లో పబ్లిక్ లొకేషన్లలో షూటింగ్ చేయడం కష్టమయ్యే విషయం. అందుకే షూటింగ్ ఎక్కడా ఆగకుండా, ఆర్టిస్టులకు పూర్తి కంఫర్ట్ ఉండేలా ఏడాది పాటు కష్టపడి ఈ భారీ విజయనగరం సెట్ను తీర్చిదిద్దారు.
స్క్రీన్పై చూసేటప్పుడు ఇది సెట్ అన్న ఫీలింగ్ రావకూడదన్నదే ఆర్ట్ డైరెక్టర్ లక్ష్యం. విజయనగరం వీధులు, క్లాక్ టవర్, చుట్టుపక్కల వాతావరణం… ప్రతి చిన్న డీటెయిల్పై ప్రత్యేక శ్రద్ధ పెట్టి డిజైన్ చేశారు. అందుకే ‘పెద్ది’ విజువల్స్ పూర్తిగా న్యాచురల్గా కనిపిస్తాయని యూనిట్ ధీమాగా చెబుతోంది.
భూగర్భంలో భారీ కుస్తీ సెటప్
ఈ కథలో క్రికెట్తో పాటు కుస్తీకి కూడా కీలక ప్రాధాన్యం ఉంది. ముఖ్యంగా ఎవరూ ఊహించని విధంగా ఓ అండర్గ్రౌండ్ కుస్తీ సెటప్ను రూపొందించారు. గద పట్టుకుని రామ్ చరణ్ కనిపించే పవర్ఫుల్ సీన్ను ఈ భూగర్భ సెట్లోనే చిత్రీకరించినట్లు సమాచారం. ఈ ఎపిసోడ్ మొత్తం సినిమాకే హైలైట్గా నిలుస్తుందని టాక్.
సెట్స్, డీటైలింగ్, విజువల్ గ్రాండియర్ విషయంలో మేకర్స్ తీసుకుంటున్న జాగ్రత్తలు చూస్తుంటే, థియేటర్లలో రామ్ చరణ్ ఫ్యాన్స్కు పూనకాలు ఖాయమనే మాట వినిపిస్తోంది.