ఏపీ సీఎంగా ప్రమాణ స్వీకారం చేసిన జగన్ వృద్ధాప్య ఫించన్ల పెంపు ఫైల్‌పై తొలి సంతకం చేసిన సంగతి తెలిసింది. ఇందుకు సంబంధించిన జీవోను ఏపీ ప్రభుత్వం విడుదల చేసింది. టీడీపీ హయాంలో పెన్షన్ పథకాన్ని ‘ఎన్టీఆర్ భరోసా’గా పిలవగా.. దాన్ని వైఎస్ఆర్ పెన్షన్ కానుకగా మార్చారు. జూలై 1 నుంచి కొత్త పెన్షన్ పథకం అమలు కానుంది. దాని ప్రకారం వృద్ధులు ప్రతినెలా రూ.2250 చొప్పున ఫించన్లను అందుకోనున్నారు. పెన్షన్ వయోపరిమితిని కూడా 65 ఏళ్ల నుంచి 60 ఏళ్లకు తగ్గించారు. ఇక నుంచి వికలాంగులు రూ.3000, కిడ్నీ బాధితులకు రూ.10 వేలు చొప్పున పెన్షన్ అందుకోనున్నారు. మేనిఫెస్టోలో పొందుపర్చిన ప్రతి పథకాన్ని అమలు చేస్తామని జగన్ ప్రకటించిన సంగతి తెలిసిందే. ఈ ఏడాది జనవరిలో చంద్రబాబు సర్కారు వృద్ధాప్య ఫించన్లను రూ.1000 నుంచి రూ.2 వేలు చేసింది. తాము అధికారంలోకి వస్తే రూ.3 వేల వరకు వృద్ధాప్య పెన్షన్లను పెంచుకుంటూ పోతామని వైఎస్ఆర్సీపీ మేనిఫెస్టోలో పేర్కొన్నారు.