‘‘రాధే శ్యామ్‌’ షూటింగ్‌లో పాల్గొనడానికి చాలా ఆసక్తిగా ఎదురుచూస్తున్నా’’ అంటున్నారు పూజా హెగ్డే. ప్రభాస్, పూజా హెగ్డే జంటగా నటిస్తున్న చిత్రం ‘రాధే శ్యామ్‌’. రాధాకృష్ణ దర్శకుడు. గోపీకృష్ణా మూవీస్, యూవీ క్రియేషన్స్‌ సంస్థలు నిర్మిస్తున్నాయి. ఈ సినిమా చిత్రీకరణ త్వరలోనే ప్రారంభం కానుంది.‘‘షూటింగ్ కోసం ఆసక్తిగా ఎదురుచూస్తున్నా’’ అని చెప్పారు పూజా హెగ్డే.
ఎందుకంటే చిత్రీకరణ ప్రారంభమయ్యాక సెట్లో రెండు పుట్టిన రోజు వేడుకలు ఉండబోతున్నాయట. పూజా బర్త్‌డే అక్టోబర్‌ 10, ప్రభాస్ బర్త్‌డే అక్టోబర్‌ 23. ఇలా ఈ ఇద్దరు తమ బర్త్‌డేలను ఈ సినిమా చిత్రీకరణలోనే చేసుకోనున్నారన్నమాట. పీరియాడికల్‌ ప్రేమకథా చిత్రంగా రూపొందుతున్న ఈ సినిమాలో పూజా ద్విపాత్రాభినయం చేయనున్నారని టాక్‌.