పాన్ ఇండియా స్టార్ హీరో, బాహుబలి ప్రభాస్ తన ఇంట్లో మొక్కలు నాటారు. కృష్ణంరాజు గారు ఇచ్చిన గ్రీన్ ఇండియా ఛాలెంజ్ ను ప్రభాస్ మొక్కలు నాటి పూర్తి చేశారు. అయితే ప్రభాస్ తో పాటుగా ఎంపీ సంతోష్ కుమార్ కూడా ఈ కార్యక్రమం లో భాగం అయ్యారు. అయితే ప్రభాస్ తాజాగా విడుదల చేసిన ఫోటోలో సోషల్ మీడియా లో మాత్రం విపరీతంగా వైరల్ అయ్యాయి. లాక్ డౌన్ కారణంగా ఇప్పటి వరకు ప్రభాస్ ఎలాంటి కార్యక్రమం లోనూ బయటికి రావడం లేదు. అయితే తాజాగా ఈ గ్రీన్ ఇండియా ఛాలెంజ్ ద్వారా ప్రేక్షకులను పలకరించడం అభిమానులకు పండుగ వాతావరణం నెలకొంది.
అయితే ప్రభాస్ ఈ ఫోటోలలో మాస్క్ తో కనిపించారు. బ్లాక్ షర్ట్ తో మరొకసారి అభిమానులకు తన కొత్త స్టైల్ ను పరిచయం చేశారు. అయితే ఈ సరికొత్త ఛాలెంజ్ మరొకసారి సెలెబ్రిటీలను తాకే అవకాశం ఉంది. ప్రభాస్ తన తదుపరి చిత్రం కోసం ఎంతగానో ఎదురు చూస్తున్నారు అభిమానులు. ఇప్పటి వరకూ ఫస్ట్ లుక్ కూడా విడుదల కాకపోవడంతో అభిమానులు కాస్త నిరాశలో ఉన్నారు. జిల్ ఫేమ్ రాధ కృష్ణ దర్శకత్వం లో వస్తున్న ఈ సినిమాలో హీరోయిన్ గా పూజ హెగ్డే నటిస్తున్నారు.