స్ట్రోక్ అనేది ప్రపంచవ్యాప్తంగా ఒక సాధారణ వైద్య పరిస్థితి, మరణానికి ప్రధాన కారణం, ఇది వచ్చే ముందు ఎటువంటి లక్షణాలను చూపకపోవచ్చు. ఇది పక్షవాతం వంటి శాశ్వత వైకల్యాలకు కారణమవుతుంది. కాబట్టి ఎవరైనా స్ట్రోక్ లాంటి లక్షణాలను గుర్తించినప్పుడు, వారికి వీలైనంత త్వరగా వైద్య సహాయం అందించడం చాలా అవసరం.
స్ట్రోక్ వచ్చేముందు..
రోగి ముఖం ఒక వైపుకి వేలాడినా, లేదా ఒక వైపు మొద్దుబారినట్టు అనిపించినా వెంటనే సహాయం కోసం అడగండి. ఇంతలో మీరు రోగిని నవ్వమని అడగండి, నవ్వలేకపోతే అతన్ని వెంటనే ఆస్పత్రికి తీసుకువెళ్ళండి.పోటు వచ్చిన రోగికి ఒకటి లేదా రెండు చేతుల్లో మొద్దుబారడం లేదా బలహీనంగా అనిపించడం జరుగుతుంది. అతని చేతిని ఎత్తమని చెప్పండి, చేయి వెంటనే క్రిందికి పడి పోతుంది.పోటు వచ్చినప్పుడు రోగులు మాట్లాడడానికి ఇబ్బంది పడతారు. వారిని చిన్న చిన్న ప్రశ్నలు అడగండి, సాధారణంగా వారు దానికి సరిగ్గా సమాధానం చెప్పలేరు, కానీ వారికి పోటు వచ్చిందో లేదో తెలుసుకోడానికి పదేపదే ప్రశ్నలు అడగండి.
కారణం లేకుండా ఎవరికైనా తీవ్రమైన తలనొప్పి వస్తే, ఇది సాధారణంగా రక్తస్రావంతో కూడిన పోటు వస్తుందని తెలియచేస్తుంది.హఠాత్తుగా కళ్ళు తిరగడం, చూపులో ఇబ్బందులు కూడా సమస్యకు సంకేతాలే.జ్ఞాపక శక్తి తగ్గడం. కొద్ది సమయంలోనే వారికి ఏమీ గుర్తు ఉండకపోవచ్చు. డాక్టర్ ప్రకారం, స్ట్రోక్స్ వచ్చినప్పుడు, ప్రథమచికిత్స చేయాలి. ఒంటరిగా ఉన్నట్లయితే, ఓ వ్యక్తిని సాయం కోరడం ముఖ్యం.స్ట్రోక్ లక్షణాలు ప్రాణాంతకం. మెదడుకు రక్త సరఫరాలో అడ్డుపడటం వల్ల స్ట్రోక్స్ సంభవిస్తాయి కాబట్టి, తక్షణ వైద్యం అవసరం.
స్ట్రోక్‌తో బాధపడుతున్న వ్యక్తికి అయోమయంగా అనిపించవచ్చు, మన శరీరంలో ఒక వైపు బలహీనంగా ఉన్నట్లు అనిపించవచ్చు అంతేకాకుండా, అకస్మాత్తుగా నడవలేకపోవచ్చు. స్పష్టంగా మాట్లాడలేకపోవచ్చని నిపుణులు చెబుతున్నారు.. “రక్త ప్రవాహం మెదడులోని కొన్ని భాగాలకు పరిమితం కావడం వల్ల, లేదా బ్లడ్ క్లోట్ అవ్వడం వల్ల ఇది జరుగుతుంది. ఎవరైనా స్ట్రోక్ లక్షణాలతో బాధపడుతున్నారని మీకు అనిపించినప్పుడు, వారి లక్షణాలను అర్థం చేసుకోవడం చాలా ముఖ్యం, ”.
ఇది ఇష్కీమియా వల్ల కానీ లేదా ఏదైనా బ్లడ్ క్లాట్ ఏర్పడడం వల్ల కానీ లేదా రక్త స్రావం వల్ల గానీ కావచ్చు. అయితే, బ్రెయిన్ స్ట్రోక్ అంటే ఏమిటో, దాని లక్షణాలు ఎలా ఉంటాయో, వెంటనే తీసుకోవలసిన చర్యలు ఏంటో, ఈ సమస్య వచ్చిన వారికి ఎలాంటి సేవలు ఒక సాధారణ వ్యక్తికీ తెలియదు.
ఎవరైనా స్ట్రోక్‌తో బాధపడుతున్నారో లేదో నిర్ధారించుకోవడానికి, వారు సరిగ్గా నవ్వగలరా, చేతులు పైకి లేపగలుగుతున్నారో లేదో చూడటం, చదవగలుగుతున్నారో లేదో చెక్ చేయాలి. వాళ్ళు ఫెయిల్ అయితే , మనం తప్పనిసరిగా వైద్య సహాయం తీసుకోవాలి.స్ట్రోక్ అనేది మెడికల్ ఎమర్జెన్సీ, వచ్చే సమస్యల గురించి జాగ్రత్త తీసుకోవాలి. స్ట్రోక్ నిర్ధారణ గురించి వారికి తెలియజేయడం కూడా మంచిది, ఎందుకంటే అంబులెన్సు సిబ్బంది సిద్ధంగా ఉంటారు.
పరిస్థితిని మెరుగ్గా అంచనా వేయడానికి లక్షణాలలను డాక్టర్‌తో పంచుకోవడం మంచిది. హైపర్‌టెన్షన్, డయాబెటిస్ మొదలైన వివరాలు తెలియజేయాలి.స్ట్రోక్‌ని గమనించండి, BP, పల్స్, శ్వాస కదలికలు..ఇంకా ఏదైనా గురక శబ్దాలు వంటి ముఖ్యమైన లక్షణాలు నార్మల్‌గా ఉండేలా చూసుకోండి.
ఎవరైనా స్ట్రోక్‌తో బాధపడుతుంటే, తాగడం లేదా ఏదైనా తినడం వల్ల వారు ఉక్కిరిబిక్కిరి కావచ్చు అంతేకాకుండా వారు ఊపిరాడకుండా చనిపోవచ్చు.ముఖ్యమైన విషయం ఏమిటంటే ప్రశాంతంగా ఉండటమే. ఎవరికైనా సహాయం చేసేటప్పుడు మీరు మీ రియాక్షన్స్ కామ్‌గా ఉండాలి. ఎందుకంటే, తొందరపాటు వల్ల మీరు ప్రాణాంతకమైన తప్పులు చేయొచ్చు.