Pushpa 2 Update: అల్లు అర్జున్ మరియు క్రియేటివ్ డైరెక్టర్ సుకుమార్ కలయికలో అత్యంత ప్రతిష్టాత్మకంగా రాబోతున్న సినిమా ‘పుష్ప 2: ది రూల్’. ప్రస్తుతం ఈ సినిమా ఇంటర్వెల్‌లో అల్లు అర్జున్ యాక్షన్ పై ఓ అదిరిపోయే అప్ డేట్ వచ్చింది. ఈ భారీ యాక్షన్ సీక్వెన్స్‌లో అల్లు అర్జున్ వేటాడే సింహంలా సిక్స్ ప్యాక్‌తో అదిరిపోయే యాక్షన్ చూపిస్తారని, పైగా అల్లు అర్జున్ పై వచ్చే ఫైట్స్ అన్ని చాలా స్టైలిష్ గా ఉంటాయని తెలుస్తోంది.
మొత్తం సినిమా అంతా, ముఖ్యంగా ఇంటర్వెల్ యాక్షన్ సీక్వెన్స్ హైలైట్‌గా నిలుస్తుందని తెలుస్తోంది. ఏది ఏమైనా ‘పుష్ప 2’ కోసం అభిమానులు రెట్టింపు ఆసక్తితో ఎదురుచూస్తున్నారు. మైత్రీ మూవీ మేకర్స్ ఈ చిత్రాన్ని భారీ ఎత్తున నిర్మిస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు. ఆగస్టు 15, 2024న ఈ చిత్రం విడుదల కానుంది. ప్రస్తుతం ‘సూసేకి అగ్గిరవ్వ మాదిరి ఉంటాడే నా సామి..’ అంటూ సాగే కపుల్‌ సాంగ్‌ ప్రేక్షకులను చాలా బాగా ఆకట్టుకుంటోంది.
