ఐకాన్ స్టార్ అల్లు అర్జున్ మోస్ట్ ఎవైటెడ్ సినిమా ‘పుష్ప 2’ మరికొన్ని గంటల్లో ప్రపంచవ్యాప్తంగా ప్రీమియర్లు పడనున్నాయి. ఈ సినిమాను దర్శకుడు సుకుమార్ తనదైన మార్క్‌తో తెరకెక్కించగా, పూర్తి యాక్షన్ డ్రామా సినిమా గా ఈ మూవీ ప్రేక్షకులని స్టన్ చేయబోతుందని మేకర్స్ కాన్ఫిడెంట్‌గా ఉన్నారు. ఇక ఈ మూవీ ఇండియన్ సినిమా రికార్డులను తిరగరాయడం ఖాయమని అభిమానులు ధీమా వ్యక్తం చేస్తున్నారు.
అయితే, ఇప్పుడు ఈ సినిమాకి మరో సీక్వెల్ ఉంటుందా.. అనేది మిలియన్ డాలర్ ప్రశ్నగా మారింది. గతంలో ‘పుష్ప-3’ గురించి కొన్ని వార్తలు వచ్చినా, మేకర్స్ మాత్రం దీనిపై ఎలాంటి క్లారిటీ ఇవ్వలేదు. ఇక తాజాగా జరిగిన పుష్ప 2 ప్రీ-రిలీజ్ ఈవెంట్‌లో సుకుమార్ దీనిపై సరదాగా ఒక కామెంట్ అయితే చేశాడు. బన్నీ మరో మూడేళ్లు సమయాన్ని కేటాయిస్తే, పుష్ప-3 చేస్తానని ఆయన అన్నారు. అయితే, పుష్ప-2 క్లైమాక్స్‌లో పుష్ప-3 సినిమా కి సంబంధించిన లీడ్ ఇవ్వబోతున్నట్లు తెలుస్తుంది .
తాజాగా దీనికి సంబంధించి ఒక ఎడిటింగ్ రూమ్ ఫోటో నెట్టింట చక్కర్లు కొడుతుంది . ‘పుష్ప 3 – ది ర్యాంపేజ్’ అనే టైటిల్‌తో ‘పుష్ప 2’కి సీక్వెల్ సినిమా రాబోతుందని ఈ ఫోటో చూస్తే అర్థమవుతుంది మరి నిజంగానే ఇదే టైటిల్‌ని మేకర్స్ మనకు ‘పుష్ప-2’ క్లైమాక్స్‌లో చూపెట్టబోతున్నారా.. అనేది చూడాలి.
