సరిలేరు నీకెవ్వ‌రు టీజ‌ర్ అద‌ర‌గొడుతోంది. సోష‌ల్ మీడియా రికార్డుల‌న్నీ ఈ టీజ‌ర్‌వే. ఆల్ ఇండియా ట్రెండింగ్‌లో ఈ టీజ‌ర్ నెంబ‌ర్ వ‌న్ స్థానంలో ఉంది. మ‌హేష్ బాబు పేల్చిన డైలాగులు, చివ‌ర్లో ప్ర‌కాష్‌రాజ్ పంచ్… భ‌లే పండాయి. అంతా బాగానే ఉంది. కానీ క‌థానాయిక ర‌ష్మిక మాత్రం ఒక్క‌టంటే ఒక్క ఫ్రేములోనూ క‌నిపించ‌లేదు. దాదాపు 90 సెక‌న్ల టీజ‌ర్ ఇది. దాన్ని టీజ‌ర్ అన‌డం కంటే మినీ ట్రైల‌ర్ అని పిల‌వ‌డ‌మే సమంజ‌సం. 30 సెక‌న్ల టీజ‌ర్‌లో హీరోయిన్ క‌నిపించ‌డ‌లేదంటే పెద్దగా డౌట్లు రావు. కానీ 90 సెక‌న్ల టీజ‌ర్‌లో మిస్ అవ్వ‌డం నిజంగా చ‌ర్చ‌నీయాంశమే.
విజ‌య‌శాంతి, ప్ర‌కాష్‌రాజ్‌ల‌కు ఒక్కో డైలాగ్ చెప్పున ఇచ్చిన ద‌ర్శ‌కుడు కనీసం ర‌ష్మిక‌ని చూపించ‌నైనా చూపించ‌లేదు. దాంతో కాస్త లోటు క‌నిపించింది. ర‌ష్మిక ఫ్యాన్స్ సైతం… మా హీరోయిన్ లేదేంటి అని హ‌ర్ట‌య్యారు. ఫేస్‌బుక్, ట్విట్ట‌ర్‌లో ర‌ష్మిక మిస్సింగ్ కేసు.. జోరుగా న‌డుస్తోంది. ఈ సినిమా నుంచి మ‌రో టీజ‌ర్ రావాలంటే కనీసం నెల రోజులైనా ప‌డుతుంది. విడుద‌ల‌కు ముందు డైరెక్టుగా ట్రైల‌ర్ విడుద‌ల చేసేసినా ఆశ్చర్య‌పోవాల్సిన అవ‌స‌రం లేదు. అంత వ‌ర‌కూ ర‌ష్మిక ఫ్యాన్స్ ఓపిక ప‌ట్టాల్సిందే.