వరుస పరాజయాలతో కెరీర్ కీలక దశలో ఉన్న యంగ్ హీరో నితిన్ ఈసారి చాలా జాగ్రత్తగా కథ ఎంచుకున్నాడు. కొన్ని ప్రాజెక్టులు చర్చల దశలోనే ఆగిపోగా, మరికొన్ని చేజారిపోయిన నేపథ్యంలో ఇప్పుడు సితార ఎంటర్టైన్మెంట్స్ బ్యానర్లో ఒక కొత్త దర్శకుడికి అవకాశం ఇచ్చాడు. ఈ నెలాఖరున ఈ చిత్రం అధికారికంగా లాంచ్ కానుంది.
ఈ చిత్రంలో నితిన్ సరసన హీరోయిన్గా రితికా నాయక్ నటించబోతున్నట్లు సమాచారం. ‘అశోకవనంలో అర్జున కల్యాణం’తో తన నటనతో మెప్పించిన రితికా ప్రస్తుతం వరుస ఆఫర్లతో దూసుకుపోతోంది. నితిన్ సినిమాలో అవకాశం దక్కడం ఆమె కెరీర్కు మరో పెద్ద ప్లస్ కానుంది.
సినిమా విషయానికి వస్తే ఇది పక్కా ఫ్యామిలీ డ్రామాగా రానుందని తెలుస్తోంది. నితిన్ పర్సనాలిటీకి తగ్గట్లుగా, ఫ్యామిలీ ఆడియెన్స్ను ఆకట్టుకునేలా కథ సిద్ధం చేశారట. ఇప్పటికే ఒక ఆసక్తికరమైన టైటిల్ కూడా ఖరారైనట్లు సమాచారం. మరి నితిన్ — రితికా కెమిస్ట్రీ ప్రేక్షకులను ఎంతవరకు ఆకట్టుకుంటుందో చూడాల్సిందే.