దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI కస్టమర్లకు ఎన్నో రకాల సేవలు అందిస్తోంది. వీటిల్లో గోల్డ్ స్కీమ్ కూడా ఒక భాగమనే చెప్పుకోవాలి. ఎస్‌బీఐ కస్టమర్ల కోసం ప్రత్యేకమైన గోల్డ్ డిపాజిట్ పథకాన్ని ఆఫర్ చేస్తోంది. దీని వల్ల పలు బెనిఫిట్స్ పొందొచ్చు.
ఎస్‌బీఐ రీవ్యాంప్డ్ గోల్డ్ డిపాజిట్ స్కీమ్‌లో చేరిన వారు ఇంట్లో బీరువాలో వృథాగా పడి ఉన్న బంగారాన్ని బ్యాంక్‌లో డిపాజిట్ చేసుకోవచ్చు. తద్వారా వడ్డీ రాబడి పొందొచ్చు. ఏడాది నుంచి 15 ఏళ్ల కాల పరిమితితో మీరు మీ బంగారాన్ని బ్యాంక్‌లో దాచుకోవచ్చు.
ఏడాది నుంచి మూడేళ్లు, ఐదేళ్ల నుంచి ఏడేళ్లు, 12 ఏళ్ల నుంచి 15 ఏళ్ల కాల పరిమితితో స్కీమ్ అందుబాటులో ఉంది. మీకు నచ్చిన ఆప్షన్ ఎంచుకోవచ్చు. కనీసం 10 గ్రాముల నుంచి బంగారాన్ని బ్యాంక్‌లో డిపాజిట్ చేయాల్సి ఉంటుంది. గరిష్ట పరిమితి అంటూ ఏమీ లేదు.
ఎంత బంగారాన్ని అయినా డిపాజిట్ చేయొచ్చు. ప్రస్తుతం గోల్డ్ డిపాజిట్ స్కీమ్‌పై 0.5 శాతం నుంచి 2.5 శాతం వరకు వడ్డీ లభిస్తుంది. బంగారం డిపాజిట్ చేసే వారికి గోల్డ్ డిపాజిట్ సర్టిఫికెట్ అందజేస్తారు. బంగారం పెట్టిన నెల రోజుల తర్వాతి నుంచి వడ్డీ వస్తూనే ఉంటుంది.