ప్రముఖ గాయని సునీత వేక్డ్ ఔట్ మీడియా ప్రైవేట్ లిమిటెడ్ డైరెక్టర్ రామ్ వీరపనేనిని వివాహం చేసుకోబోతున్నట్టు వెల్లడించిన విషయం తెలిసిందే. ఇటీవల ఆయనతో నిశ్చితార్థం చేసుకున్న ఫొటోలను సోషల్ మీడియాలో షేర్ చేసి తన పెళ్లిపై వస్తున్న రూమర్లకు చెక్ పెట్టింది సింగర్ సునీత.
రామ్-సునీత వివాహం డిసెంబర్ 27న హైదరాబాద్‌లో జరగనున్నట్టు వార్తలు రాగా.. అది వాయిదా పడినట్టు సమాచారం. అయితే జనవరిలో వీరి వివాహ వేడుక ఉండుబోతుందనేది లేటెస్ట్ అప్డేట్.
శుక్రవారం నాడు హైదరాబాద్ విచ్చేసిన సునీత తన పెళ్లి గురించి మీడియా ముందు ఆసక్తికరమైన కామెంట్స్ చేశారు. ముగ్ధ ఆర్ట్స్ స్టుడియో ప్యాట్నీ సెంటర్- సికింద్రాబాద్ ప్రారంభోత్సవంలో భాగంగా.. తన పెళ్లి గురించి మాట్లాడారు సింగర్ సునీత.
నా పెళ్లి అని కాదు.. ఒక ఫ్యామిలీని ఇంకో ఫ్యామిలీలో కలుపుకోవడంలా జరిగింది అంతే. ఇది నా పెళ్లి అని కాదు.. ఒక రెండు కుటుంబాలు కలుస్తున్నాయి. కాబట్టి ఈ పెళ్లి నాకు చాలా డివైన్‌గా అనిపిస్తోంది అంటూ చెప్పుకొచ్చింది సింగర్ సునీత. అయితే పెళ్లి జనవరిలో ఉండవచ్చా? అన్న విలేకర్ల ప్రశ్నకు ఉండొచ్చండీ అంటూ ఫన్నీగా ఆన్సర్ ఇచ్చారు సునీత.