కోలీవుడ్ సూపర్ స్టార్ రజినీకాంత్ హీరోగా నటించిన రీసెంట్ భారీ హిట్ సినిమా ల్లో దర్శకుడు నెల్సన్ దిలీప్ కుమార్ తో చేసిన సెన్సేషనల్ హిట్ సినిమా “జైలర్” కోసం తెలిసిందే. మరి రజినీకి తన రేంజ్ భారీ కం బ్యాక్ లా నిలిచిన ఈ సినిమా కి దర్శకుడు సీక్వెల్ ని కూడా ఫిక్స్ చేసిన సంగతి తెలిసిందే. మరి ఈ సీక్వెల్ పై ఇపుడు ఒక సాలిడ్ అప్డేట్ అయితే వినిపిస్తుంది. దీనితో ఈ సినిమా ని తలైవర్ ఈ డిసెంబర్ మొదటి వారం లోనే మొదలు పెట్టేయనున్నట్టుగా తెలుస్తుంది.
సూపర్ స్టార్ బర్త్ డే కానుకగా మేకర్స్ ఒక సాలిడ్ వీడియో కూడా విడుదల చేసి షూట్ పై అప్డేట్ ఇవ్వనున్నట్టుగా తెలుస్తుంది. ఆల్రెడీ టాలెంటెడ్ దర్శకుడు లోకేష్ కనగరాజ్ తో “కూలీ” అనే భారీ మల్టీస్టారర్ చేస్తున్న సంగతి తెలిసిందే. ఇది దాదాపు తన పోర్షన్స్ పూర్తి కావస్తుండగా ఇపుడు జైలర్ 2 కి కూడా తలైవర్ సన్నద్ధం అయ్యిపోయారని తెలుస్తుంది. మొత్తానికి మాత్రం రానున్న రోజుల్లో రజినీకాంత్ నుంచి సాలిడ్ ట్రీట్ ఫ్యాన్స్ కి ఉండనుంది అని చెప్పాలి.
