టాలీవుడ్ లెజెండరీ హీరో మెగాస్టార్ చిరంజీవి హీరోగా త్రిష కృష్ణన్ హీరోయిన్ గా దర్శకుడు వశిష్ఠ తెరకెక్కిస్తున్న భారీ ఫాంటసీ మూవీ “విశ్వంభర” కోసం అందరికీ తెలిసిందే. మరి మెగా అభిమానులు ఎప్పుడు నుంచో ఆసక్తిగా ఎదురు చూస్తున్న ఈ మూవీ నుంచి రీసెంట్ గా వచ్చిన ఫస్ట్ లుక్ పోస్టర్ కు కూడా క్రేజీ రెస్పాన్స్ వచ్చింది. అయితే ఈ మూవీ నుంచి టీజర్ ను కూడా మేకర్స్ ఈ మధ్యనే విడుదల చేయాల్సి ఉంది కానీ ఆ ప్లాన్ మాత్రం మారింది.
అయితే ఫైనల్ గా ఈ మూవీ టీజర్ కట్ కు రంగం సిద్ధం అయ్యినట్టుగా స్ట్రాంగ్ బజ్ వినిపిస్తుంది. దీని ప్రకారం ఈ భారీ మూవీ టీజర్ ను మేకర్స్ ఈ దసరా మహోత్సవ కానుకగా విడుదల చేయనున్నట్టుగా తెలుస్తోంది . దీనిపై అధికారిక క్లారిటీ కూడా రానుంది అని టాక్. మరి చాలా కాలం తర్వాత చిరు చేస్తున్న ఫాంటసీ మూవీ ఇది కావడంతో అంచనాలు ఆకాశంలో ఉన్నాయి. మరి వశిష్ఠ ఈ మూవీ ని ఎలా తెరకెక్కించాడో తెలియాలి అంటే వచ్చే ఏడాది జనవరి 10 వరకు ఆగాల్సిందే.
