Posted [relativedate] at [relativetime time_format=”H:i”]
తారక్, చరణ్ కాంబినేషన్ లో దర్శక ధీరుడు రాజమౌళి మల్టి స్టారర్ ఖాయం అయినట్టే అని ఫిలిం నగర్ కోడై కూస్తోంది. ఈ సినిమాకు సంబంధించి ఇంకో కీలక విషయం కూడా బయటకు వచ్చింది. సాధారణంగా మల్టి స్టారర్ అనగానే ఇద్దరు హీరోల పాత్రలు డీ అంటే డీ అనే విధంగా వుంటాయని ఊహించుకుంటారు. ఇక మనోభావాల పేరుతో సినిమా రిలీజ్ అయ్యాక కూడా ఆ రచ్చ కొనసాగుతుంది. ఒకరి పాత్ర ఎక్కువ ఇంకొకరి పాత్ర తక్కువ అనే చర్చ కూడా ఉంటుంది. తెలుగు రాష్ట్రాల్లో మెగా, నందమూరి ఫాన్స్ మధ్య ఎప్పటినుంచో ఓ వార్ జరుగుతూనే వుంది. ఇప్పుడు ఈ మల్టి స్టారర్ లో వాళ్లిద్దరూ తలపడే సన్నివేశాలు ఉంటే అది ఇంకెక్కడికి దారి తీస్తుందో చెప్పలేని పరిస్థితి. ఇదంతా ముందే ఊహించి రాజమౌళి తారక్, చరణ్ కాంబినేషన్ లో చేసే సినిమాకు అన్ని జాగ్రత్తలు తీసుకున్నారట.
రాజమౌళి సినిమాలో తారక్, చరణ్ అన్నదమ్ములుగా కనిపిస్తారట. ఈ సినిమా పూర్తిగా కుటుంబ బాంధవ్యాల నేపథ్యంలో వుంటుందట. రాజమౌళి మార్క్ ఎమోషన్ మిస్ గాకుండా కుటుంబ విలువలకు పెద్ద పీట వేసే ఈ సినిమా విడుదల అయ్యాక నందమూరి, మెగా ఫాన్స్ కూడా సోదర భావంతో మెలిగేలా కథ వుంటుందట. ఇక ఈ సినిమాలో ఓ పవర్ ఫుల్ తల్లి పాత్ర కోసం శ్రీదేవి పేరు పరిశీలిస్తన్నట్టు తెలుస్తోంది. అదే నిజం అయితే తారక్ చిరకాల కోరిక కూడా రాజమౌళి నెరవేర్చినట్టే. తన అభిమాన నటి శ్రీదేవి తో స్క్రీన్ షేర్ చేసుకోడానికి ఏ చిన్న పాత్ర అయినా చేస్తానని ఒకప్పుడు తారక్ అన్నారు. ఇప్పుడు ఈ సినిమాతో ఆ కోరిక తీరుతుంది. నందమూరి హీరో, మెగా హీరోతో కలిసి మల్టి స్టారర్ చేయడం అనే ఊహకు కూడా భయపడ్డ తెలుగు ప్రేక్షకులకు అది నిజమై కనిపించబోతోంది.
