తెలంగాణ రాష్ట్ర సమితికి పార్టీ అధ్యక్షుడు, సీఎం కేసీఆర్‌ వర్తమానంలో తిరుగులేని నేత అయితే, వర్కింగ్ ప్రెసిడెంట్ కేటీఆర్ భవిష్యత్ అని మంత్రి శ్రీనివాస్‌ గౌడ్ అన్నారు. తెలంగాణలో జరుగుతున్న అభివృద్ధిని చూసి కేసీఆర్‌ లాంటి నాయకుడు తమకూ కావాలని ఆంధ్రప్రదేశ్‌ సహా అన్ని రాష్ట్రాల ప్రజలూ కోరుకుంటున్నారన్నారు. మంగళవారం ఆయన టీఆర్ఎస్ శాసనసభాపక్ష కార్యాలయంలో మీడియాతో మాట్లాడారు.
మంత్రి కేటీఆర్ ఆణిముత్యం లాంటివారని, ఆయన సమర్థతను గుర్తించే ఫ్రాన్స్‌ ప్రభుత్వం ఆ దేశానికి ఆహ్వానించిందని తెలిపారు. దళిత బంధు పథకానికి వచ్చిన ఆదరణ చూసి ఓర్వలేకే ప్రతిపక్షాలు కుట్రలు పన్నుతున్నాయని ఆరోపించారు. విపక్షాలు ఎన్ని కుట్రలు చేసినా హుజురాబాద్‌లో టీఆర్ఎస్ గెలుపును అడ్డుకోలేవన్నారు. హైదరాబాద్‌లో జరిగిన టీఆర్ఎస్ ప్లీనరీ విజయవంతమైందని, పార్టీ మరో 20ఏళ్లు అధికారంలో ఉండటం ఖాయమన్న భరోసా తమకు కలిగిందన్నారు.