ఈ వార్త వింతగా అనిపించవచ్చు. కేంద్రపరా జిల్లాలోని బటిపాడ వద్ద ఉన్న ఒడిశా కళింగ గ్రామ్య బ్యాంక్‌లో గురువారం ఓ వింత చోటు చేసుకుంది. కొంతమంది ఖాతాదారుల బ్యాంక్ ఖాతాలకు ‘తెలియని మూలాల’ నుండి డబ్బు జమ అయ్యింది. దంతో బ్యాంకు వద్ద పిచ్చి రద్దీ కనిపించిందని శుక్రవారం నివేదికలు తెలిపాయి.
రూ. 10,000 నుండి రూ. 70,000 వరకు మొత్తం క్రెడిట్‌కు సంబంధించి వారి వారి మొబైల్ ఫోన్‌లకు సందేశాలు రావడంతో బ్యాంకులో ఖాతాదారుల రద్దీ ప్రారంభమైంది. చాలా మంది ఖాతాదారులు తమ ఖాతాల్లో డబ్బులు ఎవరు జమ చేశారో ఆరా తీసేందుకు బ్యాంకుకు చేరుకున్నారు.
ఖాతాదారుల ఖాతాల్లో డిపాజిట్ల విషయంలో ఖాతాదారులే కాదు, బ్యాంకు అధికారులు కూడా సందిగ్ధంలో పడ్డారు.
బ్రాంచ్ మేనేజర్, ప్రతాప్ ప్రధాన్ మాట్లాడుతూ, “గురువారం ఉదయం నుండి, మా కస్టమర్లలో కొంతమందికి రూ. 2,000 నుండి రూ. 30,000 వరకు డబ్బు అందడం ప్రారంభించింది.
ఏ మూలం నుంచి బ్యాంకు ఖాతాల్లో జమ చేశారన్న దానిపై స్పష్టత లేదు. ప్రధాన మంత్రి ఫసల్ బీమా నుండి కొంత డబ్బు జమ అయినట్లు మేము గుర్తించాము. ఇది ఎలా జరిగింది, మాకు తెలియదు.”
డబ్బు విత్‌డ్రా చేసుకునేందుకు దాదాపు 200 నుంచి 250 మంది బ్రాంచ్‌కు వచ్చారు. “కొంతమంది కస్టమర్‌లు రూ.60,000 నుండి రూ.80,000 వరకు క్రెడిట్‌ను కలిగి ఉన్నారని నేను చూశాను. డబ్బు క్రెడిట్ గురించి మాకు తెలియదు, మేము దానిని ధృవీకరిస్తున్నాము, ”అని ప్రధాన్ తెలిపారు.