Posted [relativedate] at [relativetime time_format=”H:i”]
మహేష్‌బాబు సోదరి ఘట్టమనేని మంజుల హీరోయిన్‌ కావాలని ఎంతో కోరుకుంది. కాని కొన్ని కారణాల వల్ల ఆమె హీరోయిన్‌ కాలేక పోయింది. అయినా కూడా సినిమా పరిశ్రమను వదిలి పెట్టకుండా సినిమాలు చేస్తూ వస్తుంది. తాజాగా మంజుల దర్శకత్వంలో అడుగు పెట్టింది. సందీప్‌ కిషన్‌ హీరోగా అమైరా దస్తూర్‌ హీరోయిన్‌గా ఒక చిత్రాన్ని తెరకెక్కిస్తుంది. మంజుల దర్శకత్వంలో రూపొందుతున్న చిత్రానికి ‘మనసుకు నచ్చింది’ అనే టైటిల్‌ను ఖరారు చేయడం జరిగింది. షూటింగ్‌ ముగింపుకు చేరుకున్న నేపథ్యంలో ఈ చిత్రం టీజర్‌ను ప్రేక్షకుల ముందుకు తీసుకు వచ్చాడు.
టీజర్‌లో హీరో మరియు హీరోయిన్‌ల పాత్రల తీరును పరిచయం చేయడం జరిగింది. ఇద్దరి మద్య కెమిస్ట్రీ మరియు ఇద్దరి మద్య ఉండే సీన్స్‌ ఆకట్టుకునే విధంగా ఉంటాయని టీజర్‌ చూస్తుంటే అనిపిస్తుంది. ఇక ఈ చిత్రంను తన సొంత బ్యానర్‌లో నిర్మిస్తుంది. మంజులతో పాటు ఈ చిత్రాన్ని మరో నిర్మాత కూడా భాగస్వామ్యంలో నిర్మిస్తున్నాడు. ఈ చిత్రాన్ని రిపబ్లిక్‌ డే సందర్బంగా జనవరి 26న విడుదల చేయబోతున్నట్లుగా ప్రకటించారు. ఈ చిత్రం షూటింగ్‌ ముగింపు దశకు వచ్చిన నేపథ్యంలో అప్పుడే ప్రమోషన్‌ను ప్రారంభించారు. మరో వారం రోజుల్లో ప్యాచ్‌ వర్క్‌తో సహా అంతా పూర్తి చేసి నిర్మాణానంతర కార్యక్రమాలు మొదలు పెట్టబోతున్నారు. జనవరి రెండవ వారంకు సినిమా మొదటి కాపీని సిద్దం చేయబోతున్నట్లుగా చిత్ర యూనిట్‌ సభ్యులు చెబుతున్నారు.
