ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కిస్తున్న భారీ పాన్ ఇండియా మూవీ “పుష్ప 2 ది రూల్” కోసం అందరికీ తెలిసిందే. మరి ఈ మూవీ కోసం పాన్ ఇండియా ఆడియెన్స్ ఆసక్తిగా ఎదురు చూస్తుండగా మేకర్స్ ఒకో పనిని ఇపుడు పూర్తి చేస్తూ వెళుతున్నారు.
ఇక రీసెంట్ గానే ఈ మూవీ కి బ్యాక్గ్రౌండ్ స్కోర్ పనులు కోసం థమన్ ఎస్ రంగంలోకి దిగబోతున్నారు అని వచ్చిన వార్తలపై థమన్ కూడా కన్ఫర్మ్ చేసారు . అయితే లేటెస్ట్ గా దీనిపై థమన్ మరో స్టేట్మెంట్ ను కూడా ఇచ్చారు . తాను పుష్ప 2 లో కేవలం చిన్న భాగం మాత్రమే అని మూవీ మొత్తానికి నేను పని చెయ్యలేదు అని అంటూ కామెంట్స్ చేసాడు. దీనితో దేవిశ్రీ ప్రసాద్ ఉన్నప్పటికీ తనని తీసుకోవడంపై వచ్చిన కామెంట్స్ కు ఇది వివరణలా అనిపిస్తుంది అని చెప్పాలి. మరి ఈ అవైటెడ్ సీక్వెల్ కు ఎలాంటి స్కోర్ ను థమన్ అందిస్తాడో అనేది చూడాలి.
