అఖిల్ హీరోగా రూపొందిన ‘ఏజెంట్’మూవీ ఓటీటీ ఫ్లాట్ ఫామ్ ద్వారా రిలీజ్ కానుందనే టాక్ కొన్ని రోజులుగా వినిపిస్తూ వస్తోంది. అయితే ఓటీటీలో ఈ సినిమా కోసం వెయిట్ చేసే ఆడియన్స్ కి ఎప్పటికప్పుడు నిరాశ ఎదురవుతూ వచ్చింది. కానీ తాజాగా మాత్రం ఈ మూవీ స్ట్రీమింగ్ డేట్ ను ఖరారు చేస్తూ అధికారిక ప్రకటన ఇచ్చేసారు .
ఏజెంట్ మూవీ లో అఖిల్ హీరోగా చేయగా.. మలయాళ స్టార్ నటుడు మమ్మూటి కీలకపాత్ర ని పోషించారు. ఈ మూవీలో సాక్షి వైద్య హీరోయిన్‍గా చేశారు. డినో మోరియా, విక్రమ్‍జీత్, డెంజిల్ స్మిత్ కీలకపాత్రల్లో కనిపించారు. ఏకే ఎంటర్‌టైన్‍మెంట్స్ పతాకంపై అనిల్ సుంకర ఈ సినిమా ని నిర్మించారు. అయితే, ఏజెంట్ సినిమా బాక్సాఫీస్ వద్ద పరాజయం చెందింది. ఆశించిన స్థాయిలో కలెక్షన్లను రాబట్టడడంలో విఫలమైంది. కొన్ని ఆర్థికపరమైన విషయాల వల్ల ఓటీటీ రిలీజ్ కూడా వాయిదా పడుతూనే వచ్చింది . సోనీ లీవ్ ఈ మూవీ స్ట్రీమింగ్‍ను ఆలస్యం చేస్తూ వచ్చింది. దీంతో ఏజెంట్ సినిమా ఎప్పుడెప్పుడు ఓటీటీలోకి వస్తుందా అని అందరూ ఎదురుచూశారు. ఇప్పుడు ఎట్టకేలకు నిరీక్షణ ముగిసింది. స్ట్రీమింగ్ డేట్ ఫిక్స్ అయింది. సోనీ లివ్ ఓటీటీ ప్లాట్‍ఫామ్‍లో సెప్టెంబర్ 29న ఏజెంట్ సినిమా స్ట్రీమింగ్ ప్రారంభమవుతుంది.
