పరశురాం దర్శకత్వంలో టాలీవుడ్ స్టార్ హీరో విజయ్ దేవరకొండ ప్ర‌ధాన పాత్ర‌లో న‌టిస్తున్న తాజా మూవీ ‘ఫ్యామిలీ స్టార్’ . మృణాళ్ ఠాకూర్ ఈ మూవీ లో హీరోయిన్‌గా న‌టిస్తుంది. శ్రీవెంకటేశ్వర క్రియేషన్స్‌ పతాకంపై దిల్‌ రాజు, శిరీష్‌ ఈ మూవీ ని నిర్మిస్తున్నారు.గోపీ సుందర్ మ్యూజిక్ అందిస్తున్నారు. ప్రస్తుతం షూటింగ్‌ జరుపుకొంటున్న ఈ సినిమా ఏప్రిల్ 5 న ప్రేక్షకుల ముందుకు రానుంది.
ఇదిలా ఉంటే…ఈ మూవీ నుంచి సెకండ్ సింగిల్ ప్రోమో కూడా వచ్చేసింది. పరశురామ్ దర్శకత్వంలో తెరకెక్కుతోన్న ఈ మూవీ లోని ‘కళ్యాణి వచ్చా వచ్చా..’ అంటూ సాగే వెడ్డింగ్ సాంగ్ ప్రోమోని మేకర్స్ రిలీజ్ చేశారు. పూర్తి సాంగ్ సాయంత్రం 6.30 గంటలకు విడుదల చేస్తామని ప్రకటించారు. ఇదివరకే విడుదలైన ఈ మూవీ కి సంబంధించిన టీజర్ , ఫస్ట్ లుక్ కు ఆడియన్స్ నుంచి మంచి స్పందన వచ్చిన సంగతి తెలిసిందే.
