బుల్లి తెరపై పాపులర్ యాంకర్ గా దూసుకెళుతున్న ప్రదీప్ మాచిరాజు హీరోగా తన అదృష్టం పరీక్షించుకోవడానికి సిద్దమయ్యాడు. గతంలో ఆయన చాల సినిమాలలో చిన్న చిన్న పాత్రలు చేసినప్పటికీ ప్రాధాన్యం ఉన్న పాత్ర చేయలేదు. మొదటిసారి ’30 రోజుల్లో ప్రేమించడం ఎలా?’ అనే చిత్రంతో హీరోగా ఎంట్రీ ఇస్తున్నారు. కాగా ఈ చిత్రాన్ని ఉగాది కానుకగా విడుదల చేయనుట్లు తెలుస్తుంది.
ఇప్పటికే ఈ సినిమాలోని ‘నీలి నీలి ఆకాశం ఇద్దామనుకన్నా’ పాటను 4 కోట్ల మందికి పైగా విన్నారు.సూపర్‌స్టార్ మహేష్ బాబు ఈ సాంగ్‌ను రిలీజ్ చేయడంతో విపరీతమైన హైప్ వచ్చేసింది. అయితే ఈ సినిమాను ఇప్పుడు టాలీవుడ్‌కు చెందిన రెండు టాప్ నిర్మాణ సంస్థలు సపోర్ట్ చేసేందుకు ముందుకొచ్చాయి. అల్లు అరవింద్‌కు చెందిన గీతా ఆర్ట్స్, ప్రభాస్‌కు చెందిన యూవీ క్రియేషన్స్ సంస్థలు ఈ సినిమాను ప్రపంచవ్యాప్తంగా గ్రాండ్‌గా రిలీజ్ చేయబోతున్నాయి.
ఇందులో అమృతా అయ్యర్ కథానాయికగా నటించారు. మార్చి 25న సినిమా రిలీజ్ అవబోతోంది. ఈ సినిమాకు అనూప్ రూబెన్స్ సంగీతం అందించారు.