మహిళలు ఎక్కువగా అందానికి ప్రాధాన్యత ఇస్తారు. అందంగా ఉండాలంటే మార్కెట్లో దొరికే వివిధ రకాల ప్రొడక్ట్స్ ను కొనుగోలు చేస్తూ ఉంటారు. అయితే ఇక్కడ ఎలా చర్మాన్ని అందంగా మార్చుకోవాలి అనే దానికి సంబంధించి కొన్ని ముఖ్యమైన టిప్స్ ఉన్నాయి. ఈ టిప్స్‌ని కనుక మహిళలు రెగ్యులర్‌గా ఫాలో అయితే ఖచ్చితంగా మీ చర్మం అందంగా ఉంటుంది. అలానే ఎప్పుడూ కంటే కూడా అందంగా మారిపోతారు మీరు. అయితే మరి ఇటువంటి ఆలస్యం లేకుండా అందంగా మారడానికి టిప్స్ గురించి చూద్దాం.
అందమైన చర్మాన్ని పొందడానికి ఎక్స్‌ఫోలియేషన్ బాగా ఉపయోగ పడుతుంది. ఇది నిజంగా ప్రతీ ఒక్కరు తప్పక పాటించాల్సింది. అలాగే చర్మాన్ని స్మూత్‌గా మారుస్తుంది. పైగా దీనిని ఫాలో అయితే ముసలితనం రాకుండా మీరు యంగ్‌గా ఉండడానికి కూడా ఇది సహాయ పడుతుంది. అయితే మీరు చేసే ఈ పద్ధతి మీ యొక్క చర్మాన్ని బట్టి ఉండాలి. అలానే మీ ప్రాంతాన్ని బట్టి కూడా ఈ పద్ధతిని మారుస్తూ ఉండాలి. ఎక్కువ పొల్యూషన్ ఉండే ప్రాంతాలలో చర్మం బాగా ఇబ్బంది పడుతుంది. అటువంటప్పుడు మరింత ఎక్కువ శ్రద్ధ తీసుకోవాలి. మీరు దీని కోసం పెద్దగా ఖర్చు చేయక్కర్లేదు. మన ఇంట్లో ఉండే సామాన్లతోనే మనం అనుసరించ వచ్చు. శెనగపిండి, నిమ్మరసం, రోజ్ వాటర్‌ని రెగ్యులర్‌గా ముఖానికి ఉపయోగిస్తే చర్మం చాలా అందంగా ఉంటుంది. ఇలా చేయడం వల్ల చర్మ సమస్యలు కూడా ఉండవు.
అలాగే బయటికి వెళ్ళినప్పుడు లేదు అంటే ఇంట్లో నుంచి మేడ మీదకి వెళ్ళినప్పుడు యువి కిరణాలు వలన సమస్య రాకుండా చూసుకోండి. సన్ గ్లాసెస్ పెట్టుకోవడం వల్ల కూడా మీకు హెల్ప్ అవుతుంది. అదే విధంగా సన్ స్క్రీన్ లోషన్ ను కూడా అప్లై చేసుకోవచ్చు. ఇలా చేయడం వల్ల కూడా చర్మం ఇబ్బంది పడకుండా మీరు కాపాడుకోవచ్చు. చాలా మంది మహిళలకు కూడా ధూమపానం అలవాటు ఉంటుంది. దీని వల్ల కూడా అందం తగ్గిపోతుంది అని గుర్తు పెట్టుకోండి. దీని వల్ల చర్మం నల్లగా మారిపోతుంది. అలానే ఇబ్బంది పడుతుంది. ముడతలు కూడా పడతాయి. పళ్ళని కూడా ఇదే ఎఫెక్ట్ చేస్తుంది. కాబట్టి స్మోకింగ్ అలవాటు ఉన్న వాళ్ళు మానేయడం మంచిది లేదు అంటే అందం తగ్గిపోతుంది.
చాలా మందికి మొటిమలు ఎక్కువగా ఉంటాయి. ఆ మొటిమలని మీరు గిల్లినా, గిచ్చినా సరే మచ్చలు పడిపోతాయి. దాని వల్ల మీ అందం మరింత తగ్గిపోతుంది. కాబట్టి యాక్ని సమస్య తో బాధ పడే వాళ్ళు వాటిని తొలగించుకోవడానికి చూడండి. రెండు నుండి మూడు సార్లు వారానికి ఆవిరి పట్టడం లాంటి జాగ్రత్తలు తీసుకుంటే బాగుంటుంది.అలాగే ఎక్కువ సేపు ఏసీ గదుల్లో ఉండిపోవడం వల్ల కూడా చర్మం ఇబ్బంది పడుతుంది. అటువంటప్పుడు నూనె, మాయిశ్చరైజర్ వంటివి అప్లై చేస్తూ ఉండాలి. మాయిశ్చరైజర్ రాయడం వల్ల చర్మం చాలా బాగుంటుంది.
బయటికి వెళ్లే వాళ్ళు సన్ స్క్రీన్ లోషన్ రాసుకోవడం, హెల్మెట్ ధరించి వెళ్లడం చాలా మంచి పద్ధతి. ఇలా పాటిస్తే కూడా చర్మం ఇబ్బంది పడకుండా ఉంటుంది.చలి కాలంలో చర్మం మరింత ఇబ్బందికి గురి అవుతుంది. అప్పుడు మరింత శ్రద్ధ తీసుకోవాలి. చలి కాలంలో మీ చర్మం పొడిబారి పోకుండా ఉండాలంటే ప్రతి రెండు గంటల నుంచి మూడు గంటలకు ఒకసారి మాయిశ్చరైజర్‌ని అప్లై చేసుకోండి. దీంతో చర్మం ఇబ్బంది పడకుండా ఉంటుంది. అలానే పొడిబారి పోకుండా రక్షించుకోవచ్చు.
సబ్బుని ముఖానికి వాడకండి. సబ్బులు ముఖానికి ఉపయోగించడం వల్ల కూడా చర్మానికి ఇబ్బంది అవుతుంది. అలానే ముఖం సబ్బు కారణంగా పాడవుతుంది. ఎప్పుడు కూడా ఫేస్ వాష్‌ను మాత్రమే ముఖానికి ఉపయోగించండి. ఫేస్ వాష్ ఉపయోగించడం వల్ల చర్మంపై ఉండే దుమ్ము, ధూళి మొత్తం తొలగిపోతుంది. రెగ్యులర్‌గా ఫేస్ వాష్‌ను ఉపయోగించండి. సబ్బుని మాత్రం అసలు ఉపయోగించవద్దు.
అలానే నిద్ర సరిగ్గా లేక పోయినా, ఆల్కహాల్ ఎక్కువగా తీసుకున్న కళ్ళ కింద చర్మం కాస్తా పఫీగా ఉంటుంది. కోల్డ్ కంప్రెసర్‌ని ఉపయోగిస్తే ఈ సమస్య నుండి బయట పడవచ్చు. ఆల్కహాల్ ఎక్కువ తీసుకునే వాళ్లు డీహైడ్రేషన్ కు గురవుతారు. అటువంటి వాళ్ళు ఎక్కువ నీళ్ళు తీసుకుంటూ ఉండాలి. లేదు అంటే ఏదైనా ఫ్లూయిడ్స్‌ని అయినా సరే తీసుకోవచ్చు.
కొత్తిమీర, కరివేపాకు పుదీనా మిక్స్ చేసి పేస్ట్ మాదిరిగా చేసి ఉదయం పూట తీసుకుంటే బరువు కంట్రోల్‌లో ఉంటుంది.కడుపులో పురుగులు ఉండడం వల్ల కూడా సమస్యలు వస్తాయి. అటువంటప్పుడు అల్బెన్డ్జాల టాబ్లెట్స్ వేసుకోవాలి. కనీసం ఆరు నెలలకు ఒకసారి టాబ్లెట్లు ఉపయోగించాలి. లేదు అంటే మీ డాక్టర్ చెప్పినట్టు ఫాలో అవ్వండి.మహిళలు మాత్రమే కాదు పురుషులు కూడా వారి యొక్క చర్మ సంరక్షణపై శ్రద్ధ పెట్టాలి. షేవింగ్ చేసుకున్న తర్వాత కెమికల్స్ ఉండే వాటిని రాసుకోకూడదు దీనివల్ల ఇరిటేషన్ వస్తుంది. షేవింగ్ తర్వాత అలోవెరా జెల్‌ని రాయడం వల్ల మంట తగ్గుతుంది.
అదే విధంగా చాలా మందికి ఉండే చెడు అలవాటు ఏమిటంటే సబ్బుతో ముఖం రుద్దేటప్పుడు గట్టిగా రుద్దేస్తూ వుంటారు. కానీ అలా ఎప్పుడు చేయకూడదు. గట్టిగా రుద్దడం వలన కూడా సమస్యలు వస్తాయి. కేవలం నీళ్లని మొహం మీద జల్లుకోవాలి. నెమ్మదిగా రుద్దుకోవాలి అంతే. అంతే కానీ ఎక్కువ ప్రెషర్ పెట్టి రుద్దకూడదు.పళ్లను శుభ్రం చేసుకునేటప్పుడు కూడా గట్టిగా క్లీన్ చేయడం మంచిది కాదు. నెమ్మదిగా చేయాలి లేదు అంటే పళ్ళు ఇబ్బంది పడతాయి.
యాక్నీ స్కిన్‌తో ఉండే వాళ్ళు ఆయిల్ స్కిన్‌తో ఉండే వాళ్ళు ఈ ఇంటి చిట్కాలు పాటిస్తే మంచిది. గులాబీ రేకులు, పుదీనా ఆకులు, వేపాకులు నీళ్లలో వేసి మరిగించి ఆ నీటిని వడకట్టి ఆ మిశ్రమాన్ని ఫ్రిజ్‌లో పెట్టి చర్మం మీద ఆ ఐస్‌ని పెట్టి రుద్దితే చర్మం చాలా బాగుంటుంది. పైగా మీ అందానికి చాలా కాంప్లిమెంట్స్ కూడా వస్తాయి.అలాగే జ్యూస్‌లు వంటివి తాగేటప్పుడు స్ట్రాతో తాగితే మంచిది. సిప్ చేసే కంటే కూడా ఇలా తాగితే మంచిది.అలానే ఎప్పుడూ నవ్వుతూ ఉండడానికి చూడాలి. ఇది కూడా మీ యొక్క ముఖానికి మంచిది.
మేకప్ వేసుకుని చాలా మంది నిద్ర పోతూ ఉంటారు. అది నిజంగా చెడ్డ అలవాటు. మేకప్‌తో ఎప్పుడు నిద్ర పోకూడదు. మేకప్‌ని తొలగించి మాత్రమే నిద్రపోవాలి. మేకప్ ను తొలగించి రెండు సార్లు ముఖాన్ని కడుక్కున్న తర్వాత మాత్రమే నిద్రపోండి. లేదు అంటే మేకప్ కారణంగా చర్మం దెబ్బతింటుంది.మీ ముఖాన్ని ఎప్పటికప్పుడు హైడ్రేట్‌గా ఉంచుకోండి. వాటర్‌ని స్ప్రే చెయ్యడం లేదు అంటే ఆయిల్ వంటివి రాసుకోవడం చేయాలి. మాయిశ్చరైజర్ కూడా అప్లై చేసుకోచ్చు. దీనితో చర్మం బాగుంటుంది.
ఒత్తిడి కారణంగా కూడా చర్మం ఇబ్బంది పడుతుంది కాబట్టి ఒత్తిడి లేకుండా ఉండాలి. ఒత్తిడిని దూరం చేసుకోవడానికి యోగా, మెడిటేషన్ వంటివి బాగా హెల్ప్ అవుతాయి. ఇలా ఈ జాగ్రత్తలు కనుక మీరు తీసుకుంటే కచ్చితంగా అందంగా ఉండడానికి వీలవుతుంది. అలానే ఎటువంటి సమస్యలు లేకుండా ఉండొచ్చు. చూశారు కదా ఎన్నో అద్భుతమైన టిప్స్ ఇక్కడ ఉన్నాయి. మరి వీటిని కనుక మీరు ఫాలో అయ్యారంటే కచ్చితంగా మరింత అందంగా మారడానికి అవుతుంది. అలానే ఎటువంటి సమస్యలు లేకుండా ఉండొచ్చు.