కన్నడ రాకింగ్ స్టార్ యశ్ హీరోగా తెరకెక్కిన భారీ యాక్షన్ చిత్రం ‘టాక్సిక్’పై మొదటి నుంచీ భారీ అంచనాలు నెలకొన్నాయి. గీతూ మోహన్ దాస్ దర్శకత్వం వహించిన ఈ సినిమాలో కియారా అద్వానీ, నయనతార, తారా సుతారియా, రుక్మిణి వసంత్ కీలక పాత్రల్లో నటించారు. ఎన్నో అంచనాల మధ్య ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద భారీ ఓపెనింగ్స్ను సొంతం చేసుకుంది.
అయితే సినిమాకు ఆశించిన స్థాయిలో పాజిటివ్ టాక్ రాకపోవడంతో రెండో రోజు నుంచే కలెక్షన్లలో భారీ డ్రాప్ కనిపించింది. మరోవైపు ‘టాక్సిక్’ (Toxic) విడుదలకు ముందే ఓటీటీ, శాటిలైట్ డీల్స్ విషయంలో కూడా ఆసక్తికరమైన వార్తలు వినిపించాయి. మేకర్స్ భారీ మొత్తాన్ని కోట్ చేయడంతో ఏ ఓటీటీ సంస్థ కూడా ముందుకు రాలేదనే ప్రచారం జరిగింది.
దీంతో ఎలాంటి ఓటీటీ డీల్ లేకుండానే ‘టాక్సిక్’ థియేటర్లలోకి వచ్చిందనే వార్తలు వైరల్ అయ్యాయి. చాలాకాలంగా డిజిటల్ పార్టనర్ కోసం ఎదురుచూస్తున్న ఈ సినిమాకు ఇప్పుడు ఎట్టకేలకు ఓటీటీ భాగస్వామి దొరికినట్లు బాలీవుడ్ మీడియా కథనాలు చెబుతున్నాయి.
తాజా సమాచారం ప్రకారం ప్రముఖ ఓటీటీ సంస్థ జీ5 ‘టాక్సిక్’ డిజిటల్ హక్కులను సొంతం చేసుకున్నట్లు తెలుస్తోంది. అంతేకాకుండా ఈ సినిమా అన్ని భాషల డిజిటల్ హక్కులను కూడా జీ5నే కొనుగోలు చేసిందనే టాక్ వినిపిస్తోంది.
అయితే ఈ ఓటీటీ డీల్కు సంబంధించి చిత్రబృందం నుంచి ఇప్పటివరకు ఎలాంటి అధికారిక ప్రకటన రాలేదు. దీంతో ప్రస్తుతం ఇది కేవలం ఇండస్ట్రీ వర్గాల్లో వినిపిస్తున్న బజ్గానే చెప్పాలి. త్వరలో మేకర్స్ అధికారికంగా క్లారిటీ ఇస్తారేమో చూడాలి.
భారీ అంచనాలతో వచ్చిన ‘టాక్సిక్’ థియేట్రికల్గా ఆశించిన స్థాయిలో ప్రభావం చూపలేకపోయినా, ఇప్పుడు ఓటీటీ హక్కుల విషయంలో మాత్రం ఆసక్తికరమైన వార్తలు వినిపిస్తున్నాయి. జీ5 డీల్ నిజమే అయితే యశ్ అభిమానులకు ఇది గుడ్ న్యూస్ అనే చెప్పాలి.
