చిరంజీవి ‘భోళాశంకర్’ తరువాత రెండు సినిమాలు చేయడానికి గ్రీన్ సిగ్నల్ ఇచ్చారు. ఆ దర్శకులు ఒకరు వశిష్ఠ అయితే, మరొకరు కల్యాణ్ కృష్ణ. చిరు తో సోషియో ఫాంటసీ చేయడానికి వశిష్ఠ సన్నాహాలు చేసుకుంటున్నాడు. కల్యాణ్ కృష్ణ మెగాస్టార్ కోసం ఒక కొత్త విభిన్నమైన కథాంశాన్ని రెడీ చేసుకున్నారు అంట.
ఇక ఈ చిత్రం లో హీరోయిన్ గా త్రిష ను తీసుకున్నట్టు ఒక వార్త సోషల్ మీడియా లో షికారు చేస్తోంది. త్రిష ఆల్రెడీ చిరంజీవి సరసన ‘స్టాలిన్’ సినిమాలో నటించింది. మళ్లీ ఇంతకాలానికి ఈ కాంబినేషన్ సెట్ అయిందని అంటున్నారు. ‘PS -1’లో త్రిష గ్లామర్ చూసిన వాళ్లంతా, మళ్లీ ఆమెకి తెలుగు నుంచి ఛాన్సులు వెళ్లడం ఖాయమని అనుకున్నారు .. అలాగే జరుగుతోంది కూడా.
ఈ సినిమాలో చిరంజీవి తనయుడి పాత్రలో సిద్ధూ జొన్నలగడ్డ కనిపించనున్నాడని అంటున్నారు. ఆయన జోడీగా శ్రీలీలను దాదాపు ఖాయం చేసినట్టేనని చెబుతున్నారు. ఈ సినిమాను భారీ బడ్జెట్ తో తన సొంత బ్యానర్లో చిరంజీవి కూతురు సుస్మిత నిర్మిస్తుండటం విశేషం. త్వరలోనే మిగతా వివరాలు తెలియనున్నాయి