మహారాష్ట్రలోని పుణెలో ఘోర ప్రమాదం చోటుచేసుకుంది. నిర్మాణంలో ఉన్న ఓ భవనం కూలిన ఘటనలో 6 మంది కూలీలు అక్కడికక్కడే మృతి చెందారు. ఘటన స్థలంతో సహాయ చర్యలు కొనసాగుతున్నాయని అధికారులు పేర్కొన్నారు. మృతి చెందిన వారంతా భవన నిర్మాణ కార్మికులని పోలీసులు పేర్కొన్నారు.
పదిమంది కూలీలు పనిచేస్తుండగా ఒక్కసారిగా నిర్మాణంలో ఉన్న భవనం కూలిపోయిందని అధికారులు వెల్లడించారు.ఈ ఘటనపై విచారణకు ఆదేశించామని తెలిపారు. ప్రమాదంలో 6 మంది కూలీలు అక్కడికక్కడే మృతి చెందగా, మిగతా నలుగురికి గాయాలు అయినట్లు పేర్కొన్నారు. గాయపడినవారు ఆస్పత్రిలో చికిత్స పొందుతున్నట్లు పోలీసులు తెలిపారు.