టాలీవుడ్ స్టార్ హీరో విక్ట‌రి వెంకటేష్ తన నెక్ట్స్ సినిమా ని డైరెక్టర్ అనిల్ రావిపూడి డైరెక్ష‌న్ లో తెర‌కెక్కిస్తున్న‌ట్లు అనౌన్స్ చేశారు. ఇప్ప‌టికే ఎఫ్-2, ఎఫ్-3 మూవీ ల‌తో స‌క్సెస్ ఫుల్ కాంబోగా మారిన ఈ ఇద్ద‌రు, ఇప్పుడు ముచ్చ‌ట‌గా మూడోసారి మూవీ చేస్తున్నారు. జూలై 3న ఈ మూవీ ను ప్రారంభించ‌నున్న‌ట్లు మేక‌ర్స్ ఇప్ప‌టికే అనౌన్స్ చేయ‌గా.. తాజాగా ముహూర్త స‌మ‌యాన్ని కూడా ప్ర‌క‌టించారు.
జూలై 3న ఉద‌యం 11.16 గంట‌ల‌కి ఈ మూవీ పూజా కార్య‌క్ర‌మాలతో ప్రారంభం అవుతుంద‌ని ద‌ర్శ‌కుడు అనిల్ రావిపూడి తాజాగా తన ట్విట్ట‌ర్ అకౌంట్ లో పోస్ట్ చేశాడు. ‘భార్య, ఎక్స్ కాప్, ఎక్స్ గ‌ర్ల్ ఫ్రెండ్’ అనే కాన్సెప్ట్ తో ఈ మూవీ ను తెరకెక్కించ‌నున్నారు చిత్ర యూనిట్. ఇక ఈ మూవీ లో మ‌రోసారి ప‌వ‌ర్ఫుల్ పాత్ర‌లో వెంకటేష్ క‌నిపించ‌నున్నారు . ఈ మూవీ ని శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు, శిరీష్ లు ప్రొడ్యూస్ చేయ‌నున్నారు. ఈ మూవీ లో మీనాక్షి చౌద‌రి హీరోయిన్ గా న‌టించ‌నున్న‌ట్లు తెలుస్తోంది. ఈ మూవీ కు భీమ్స్ సిసిరోలియో సంగీతాన్ని అందించనున్నారు.
