విజయ్ ఆంటోని సినిమా అనగానే ప్రేక్షకులు ఒక అంచనాకి వచ్చేస్తారు. ఎందుకంటే ఆయన సినిమాల్లోని కథాకథనాలు పాత్రలను మలిచే విధానం కొత్తగా ఉంటాయి కాబట్టి. ఆయన సినిమాలు హిట్టా ఫట్టా అన్న సంగతి పక్కన పెడితే, అన్నీ వైవిధ్యభరితమైనవిగా అనిపిస్తాయి. తాజాగా ఆయన హీరోగా తమిళంలో ‘తిమిరు పిడిచ్చవన్’ చిత్రం రూపొందుతోంది. తెలుగులో ఈ సినిమాకి ‘రోషగాడు’ అనే టైటిల్ ను ఖరారు చేశారు. ఈ సినిమా నుంచి తాజాగా మోషన్ టీజర్ ను రిలీజ్ చేశారు. ఈ సినిమాలో విజయ్ ఆంటోని పవర్ఫుల్ పోలీస్ ఆఫీసర్ గా కనిపించనున్నట్టు ఈ టీజర్ ను బట్టి తెలుస్తోంది. ‘ఒళ్లంతా పొగరురా .. పొగరుకే మొగుడురా .. మాట పడని ‘రోషగాడు’రా .. అంటూ ఈ టీజర్ ను వదిలారు. యాక్షన్ ప్రధానంగా వదిలిన ఈ టీజర్ ఆసక్తిని రేకెత్తిస్తోంది. త్వరలోనే ఈ సినిమా ప్రేక్షకుల ముందుకు రానుంది. మీరూ టీజర్ ని చుసేయ్యండి మరి.
