స్ట్రాంగ్గా కమ్ బ్యాక్ ఇచ్చేందుకు రెడీ అవుతున్నాడు విజయ్ దేవరకొండ. అందుకే బ్యాక్ టు బ్యాక్ సినిమాలకు సైన్ చేస్తూ వచ్చే ఏడాదంతా బిజీబిజీగా గడిపేందుకు ప్లాన్ చేస్తున్నాడు. ఇప్పటికే శివ నిర్మాణ దర్శకత్వంలో.. సమంత హీరోయిన్గా.. విజయ్ హీరోగా ఖుషి సినిమా తెరకెక్కిన విషయం తెలిసిందే. ఈ సినిమా త్వరలోనే థియేటర్లలోకి రానుంది.
మరోవైపు గౌతమ్ తిన్ననూరి దర్శకత్వంలో.. శ్రీలీల హీరోయిన్గా నటిస్తున్న #VD12 సినిమాలోనూ విజయ్ నటిస్తున్నాడు. కొన్నిరోజుల క్రితమే ఈ సినిమా పూజా కార్యక్రమం జరిగింది. ఇది ఇంకా సెట్పైకి వెళ్లనే లేదు.. అంతలోనే.. #VD13 కు రంగం సిద్ధం అయింది. గీతాగోవిందం ఫేమ్ పరశురాం దర్శకత్వంలో విజయ్ మరోసారి నటిస్తున్న విషయం తెలిసిందే ఈ ఇద్దరి కాంబినేషన్లో సినిమా కోసం ఎప్పటి నుంచో ఆడియన్స్ వెయిట్ చేస్తున్నారు.
అనుకున్నట్టుగానే ఆ ప్రాజెక్టును కొంతసేపటి క్రితం లాంచ్ చేశారు.హైదరాబాదులో ఈ సినిమా పూజా కార్యక్రమాలను జరుపుకుంది.. ఈ సినిమాలో మృణాల్ ఠాకూర్ హీరోయిన్. ఈ కాంబోలో తెరకెక్కనున్న సినిమాకు ఇవాళ పూజ కార్యక్రమం నిర్వహించారు. ఈ కార్యక్రమంలో హీరోయిన్ మృణాల్ ఠాకూర్ పాల్గొంది. విజయ్ – మృణాల్ పై నిర్మాత శ్యామ్ ప్రసాద్ రెడ్డి క్లాప్ కొట్టారు.