విశాల్‌ నటించిన ‘పందెంకోడి 2’ చిత్రం దసరా కానుకగా ప్రేక్షకుల ముందుకు వచ్చింది. గతంలో విశాల్‌ నటించిన ‘పందెంకోడి’ చిత్రం మంచి విజయాన్ని సొంతం చేసుకుంది. దాంతో ఈ చిత్రం కూడా సక్సెస్‌ అవుతుందని ఠాగూర్‌ మధు ఈ చిత్రాన్ని ఆరుకోట్లకు కొనుగోలు చేశాడు. ‘అరవింద సమేత’, ‘హలోగురు ప్రేమకోసమే’ చిత్రాలు ఉండగా కూడా ఈ చిత్రానికి మంచి ఆదరణ లభిస్తోంది. మాస్‌ ఆడియన్స్‌ను ఆకట్టుకుంటున్న ‘పందెంకోడి 2’ చిత్రం పెట్టిన మొత్తంతో పాటు లాభాలను కూడా సులభంగా రాబడుతుందని ట్రేడ్‌ వర్గాల వారు అంచనాలు వేస్తున్నారు.
ఎన్టీఆర్‌తో బరిలోకి దిగిన కూడా విశాల్‌ కు మంచి స్పందన దక్కింది. తెలుగులో ఈ చిత్రం సక్సెస్‌ అయినట్టే అనే సినీ వర్గాల వారంటున్నారు. ఈ మధ్య కాలంలో విశాల్‌ తెలుగులో చెప్పుకొదగ్గ విజయాలేవి సొంతం చేసుకోలేదు. ఈ చిత్రంలో హీరోయిన్‌గా కీర్తి సురేష్‌ నటించింది. అందుకే తెలుగు ప్రేక్షకులు ఈ చిత్రాన్ని ఇష్టపడుతున్నారు అని పలువురు సినీ ప్రముఖులు అభిప్రాయం వ్యక్తం చేస్తున్నారు. ఏది ఏమైనా ఈ చిత్రానికి తెలుగు ప్రేక్షకుల నుండి మంచి స్పందన వస్తోంది. ఈ చిత్ర యూనిట్‌ సభ్యులుగా కూడా సంతోషాన్ని వ్యక్తం చేస్తున్నారు.
