అక్కినేని నాగచైతన్య నటిస్తున్న లేటెస్ట్ సినిమా ‘తండేల్’ ప్రేక్షకుల్లో సాలిడ్ అంచనాలను క్రియేట్ చేసింది. ఈ మూవీ ని దర్శకుడు చందు మొండేటి తెరకెక్కిస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు. ఇక ఈ మూవీ నుంచి ఇప్పటికే రిలీజ్ అయిన ‘బుజ్జి తల్లి’ సాంగ్‌కి సాలిడ్ రెస్పాన్స్ దక్కింది.
అయితే, ఇప్పుడు ఈ మూవీ నుంచి రెండో సింగిల్ సాంగ్‌గా ‘నమో నమ: శివాయ’ అనే పాటని రిలీజ్ చేయబోతున్నట్లు మేకర్స్ ప్రకటించారు. ఈ పాటని జనవరి 4న సాయంత్రం 5.04 గంటలకి రిలీజ్ చేయనున్నట్లు చిత్ర యూనిట్ తెలిపింది. కాగా, ఈ సాంగ్ ప్రోమోని జనవరి 3న ఉదయం 10 గంటలకి రిలీజ్ చేస్తున్నట్లు తాజాగా వెల్లడించారు.
ఇక ఈ మూవీ లో అందాల భామ సాయి పల్లవి హీరోయిన్‌గా నటిస్తుండటంతో ఈ సినిమా పై అంచనాలు మరింతగా పెరిగాయి. దేవిశ్రీ ప్రసాద్ సంగీతం అందిస్తున్న ఈ మూవీ ను గీతా ఆర్ట్స్ బ్యానర్‌పై అల్లు అరవింద్ ప్రొడ్యూస్ చేస్తున్నారు.
