ఐకాన్ స్టార్ అల్లు అర్జున్ నటిస్తున్న లేటెస్ట్ సినిమా ‘పుష్ప-2’ కోసం ప్రేక్షకులు ఏ రేంజ్‌లో వెయిట్ చేస్తున్నారో అందరికీ తెలిసిందే. ఈ మూవీ ని దర్శకుడు సుకుమార్ తెరకెక్కిస్తుండగా పూర్తి యాక్షన్ డ్రామాగా ఈ మూవీ ప్రేక్షకులని ఆకట్టుకునేందుకు సిద్ధమవుతుంది . ఇక ఈ మూవీ కి సంబంధించి రోజుకో వార్త సోషల్ మీడియాలో వైరల్ అవుతుంది .
ఇటీవల ఈ మూవీ లోని స్పెషల్ సాంగ్‌లో బాలీవుడ్ బ్యూటీ శ్రద్ధా కపూర్ కాకుండా తెలుగు యంగ్ బ్యూటీ శ్రీలీల డ్యాన్స్ చేయబోతుందనే వార్త నెట్టింట ఇప్పుడు వైరల్ అయ్యింది. ఇక శ్రీలీల అయితే, బన్నీ పక్కన అదిరిపోయే డ్యాన్స్ చేస్తుందని అభిమానులు అందరూ కూడా సంతోషం వ్యక్తం చేశారు. అయితే, ఇప్పుడు మరో ఆసక్తికర వార్త నెట్టింట చక్కర్లు కొడుతుంది . పుష్ప-2 మూవీ నుండి ఒక సాంగ్‌ని పూర్తిగా లేపేయనున్నారని తెలుస్తుంది .
ఈ మూవీ లో స్పెషల్ సాంగ్‌తో పాటు మరో పాట షూటింగ్ కూడా జరపాల్సి ఉండగా.. మూవీ రన్‌టైమ్ తగ్గించే క్రమంలో ఈ పాటని పూర్తిగా అవాయిడ్ చేయాలని సుకుమార్ అండ్ టీమ్ ఫిక్స్ అయ్యారంట . మరి ‘పుష్ప-2’ నుండి పక్కకి పెట్టిన ఆ సాంగ్ ఏమిటి.. అనేది ఇప్పుడు సినీ సర్కిల్స్‌లో హాట్ టాపిక్‌గా మారింది.
