టాలీవుడ్ హీరో నితిన్ నటిస్తున్న లేటెస్ట్ సినిమా ‘రాబిన్‌హుడ్’ టీజర్ నిన్న రిలీజ్ చేశారు. దర్శకుడు విజయ్ కుడుముల తెరకెక్కిస్తున్న ఈ మూవీ లో నితిన్ పవర్‌ఫుల్ పాత్రలో నటిస్తున్నట్లు ఈ టీజర్ చూస్తే అర్థమవుతుంది . ఏజెంట్‌గా పనిచేస్తూనే, ధనవంతుల వద్ద దోచుకునే పాత్రల లో రాబిన్‌హుడ్‌గా నితిన్ సాలిడ్ పర్ఫార్మెన్స్‌తో ఆకట్టుకునేందుకు రెడీ అయ్యారు .
ఈ టీజర్ ఆద్యంతం ఎంటర్‌టైనింగ్‌గా ఉండటంతో ఈ మూవీ పై అంచనాలు అమాంతం పెరిగిపోయాయి. ఇక ఈ టీజర్‌కి ప్రేక్షకుల నుండి సాలిడ్ రెస్పాన్స్ దక్కుతుంది . ఈ టీజర్ రిలీజ్ అయిన 24 గంటల్లోనే ఏకంగా 10 మిలియన్ వ్యూస్ మార్క్‌ని క్రాస్ చేసింది. అంతేగాక, ఈ టీజర్ యూట్యూబ్‌లో ట్రెండింగ్ అవుతుంది . ఈ టీజర్‌లో మూవీ లోని భారీ క్యాస్టింగ్, జీవి.ప్రకాష్ కుమార్ ఎంగేజింగ్ బీజిఎం ప్రేక్షకులని ఆకట్టుకున్నాయి.
రాబిన్‌హుడ్ మూవీ లో అందాల భామ శ్రీలీల హీరోయిన్‌గా నటిస్తుంది . ఈ మూవీ లో షైన్ టామ్ చాకో, వెన్నెల కిషోర్, రాజేంద్ర ప్రసాద్, మీమ్ గోపి తదితరులు ఇతర ముఖ్య పాత్రల ల్లో నటిస్తున్నారు. మైత్రీ మూవీ మేకర్స్ ఈ మూవీ ని ప్రొడ్యూస్ చేస్తున్నారు.
