రాకింగ్ స్టార్ యష్ హీరోగా తెరకెక్కిన భారీ పాన్ ఇండియా చిత్రం ‘టాక్సిక్’ Toxic బాక్సాఫీస్ వద్ద మిశ్రమ స్పందనల మధ్య తన ప్రయాణాన్ని కొనసాగిస్తోంది. భారీ అంచనాలతో ప్రేక్షకుల ముందుకు వచ్చిన ఈ సినిమా తొలి రెండు రోజుల్లో ప్రపంచవ్యాప్తంగా రూ.180 కోట్ల గ్రాస్ వసూళ్లను సాధించినట్లు తెలుస్తోంది.
రెండో రోజు భారీ డ్రాప్
‘టాక్సిక్’ మొదటి రోజే వరల్డ్వైడ్గా సుమారు రూ.135 కోట్ల గ్రాస్ వసూలు చేసి సత్తా చాటింది. అయితే రెండో రోజు మాత్రం కలెక్షన్లలో భారీ తగ్గుదల కనిపించింది. డే 2న ప్రపంచవ్యాప్తంగా దాదాపు రూ.45 కోట్ల గ్రాస్ మాత్రమే రాబట్టినట్లు సమాచారం. దీంతో రెండు రోజుల్లో ఈ సినిమా మొత్తం రూ.180 కోట్ల గ్రాస్ మార్క్ను అందుకుంది.
భాషల వారీగా రెండో రోజు వసూళ్లు
రెండో రోజు కలెక్షన్లను భాషల వారీగా పరిశీలిస్తే హిందీ వెర్షన్ అత్యధికంగా రూ.26 కోట్ల గ్రాస్ రాబట్టినట్లు తెలుస్తోంది. కన్నడ వెర్షన్ సుమారు రూ.9 కోట్లు, తెలుగు వెర్షన్ దాదాపు రూ.3 కోట్ల మేర వసూలు చేసినట్లు సమాచారం.
మొదటి రోజుతో పోల్చితే రెండో రోజు అన్ని ప్రధాన మార్కెట్లలోనూ కలెక్షన్లు తగ్గినప్పటికీ, హిందీ వెర్షన్ మాత్రం కొంతవరకు నిలకడను ప్రదర్శించింది. యష్కు సొంత మార్కెట్ అయిన కన్నడలోనూ వసూళ్లు తగ్గడం గమనార్హం.
ఇక రాబోయే వీకెండ్తో పాటు సెలవు రోజులు కూడా ‘టాక్సిక్’ బాక్సాఫీస్ రన్కు కీలకం కానున్నాయి. ఈ రోజుల్లో సినిమా కలెక్షన్లు మళ్లీ పుంజుకుంటాయా, లేక ఇదే ట్రెండ్ కొనసాగుతుందా అనేది ఆసక్తికరంగా మారింది.
