జబర్దస్త్ దర్శకులతో అనసూయ గొడవ…. నిజమేనా?

జబర్దస్త్ దర్శకులతో అనసూయ గొడవ
జబర్దస్త్ దర్శకులతో అనసూయ గొడవ

సినిమా వాళ్లతో పోల్చుకుంటే.. సీరియల్, టీవీ యాంకర్లపై చిన్న చూపు ఉంటుందనేది చాలామంది బుల్లితెర నటీనటులు చెప్పేమాట. ఇది నిజం కూడా. ఒక్కసారి టీవీ బ్రాండ్ పడిందంటే.. సినిమాల్లో రాణించడం చాలా కష్టం. అందుకే సీరియల్, టీవీ రంగాల్లో పనిచేసిన చాలామంది బుల్లితెర నటీనటులకు సినిమాల్లో అవకాశాలు ఉండవు. ఒకవేళ అరకొర అవకాశాలు ఇచ్చినా కూడా.. రాణించిన సందర్భాలు కూడా తక్కువే. ఏ.. ప్రపంచ సినిమాని ఏలుతున్న రాజమౌళి ఒకప్పుడు సీరియల్స్ తీసినోడు కాదా? అని అనుకోవచ్చు కానీ..

ఇలాంటి వాళ్లని వేళ్లపై లెక్కపెట్టేయొచ్చు. అలా బుల్లితెర నుంచి వెండితెరకి ప్రమోట్ అయ్యి సక్సెస్ ట్రాక్ ఎక్కిన వాళ్లలో యాంకర్ అనసూయ ఒకరు.ఈ ట్రాక్‌పై ఆమె ఎన్నాళ్లు కంటిన్యూ అవుతుందన్న విషయం పక్కన పెడితే.. చేసేవి కొన్నిపాత్రలైనా సెలెక్ట్‌గా గుర్తింపు పొందే పాత్రల్లో నటిస్తోంది. అప్పట్లో రంగస్థలం.. ఇప్పుడు రంగమార్తాండ.. వీటితో పాటు క్షణం, యాత్ర సినిమాలకు మంచి గుర్తింపు లభించింది.

Jabardasth Anasuya
Jabardasth Anasuya

అయితే అనసూయకి ఇంత క్రేజ్ వచ్చిందంటే జబర్దస్త్ కామెడీ షో వల్లే. జబర్దస్త్‌ని కామెడీ కోసం చూసేవాళ్లు కొందరైతే.. అనసూయ హాట్ నెస్ చూడటం కోసం కళ్లెప్పగించుకుని చూసేవారు చాలామంది. వాళ్లని ఏమాత్రం డిజప్పాయింట్ చేయకుండా చూసుకోండహే అని చూడాల్సినవి.. చూడకూడనివి కూడా చూపిస్తూ హాట్ యాంకర్‌కి క్రేజ్ దక్కించుకున్న అనసూయ. చాలాఏళ్లు జబర్దస్త్ యాంకర్‌గా మెరుపులు మెరిపిస్తూ.. ఏడాది క్రితం అంటే.. 2022 జూలై నెలలో జబర్దస్త్‌కి గుడ్ బై చెప్పేసింది. జబర్దస్త్‌ను వీడుతూ.. మధుర క్షణాలతో పాటు చేదు క్షణాలు కూడా ఉన్నాయని.. మిక్స్డ్ ఎమోషన్స్‌తో కెరియర్‌లో ముందుకు వెళ్లడానికే ఈ నిర్ణయం తీసుకున్నట్టు చెప్పింది అనసూయ. అయితే అనసూయకి సినిమాల్లో వరుస అవకాశాలు వస్తుండటంతో.. బుల్లితెర కంటే పెద్దతెరే బెస్ట్ అనుకుని ఈమె తెలివైన నిర్ణయమే తీసుకుంది.

అయితే జబర్దస్త్‌ని వీడినప్పుడు అనసూయ గురించి చాలా పుకార్లు షికారు చేశాయి. మేనేజ్‌మెంట్‌తో గొడవలు అయ్యాయని కొందరు.. లేదు లేదు.. టీం లీడర్‌తో గొడవ అయ్యిందని కొందరు.. ఇవేవీ కాదు జబర్దస్త్ దర్శకులతోనే అనసూయకి డిష్యుం డిష్యుం అయ్యిందని ఇంకొందరు ఇలా చాలా పుకార్లు వినిపించారు.

కాగా.. ఇప్పుడు ఈ పుకార్లపై క్లారిటీ ఇచ్చింది అనసూయ. చాలా రోజుల తరువాత #AskAnasuya‌ (ఆస్క్ అనసూయ)లో భాగంగా నెటిజన్లు అడిగిన ప్రశ్నలకు సమాధానం ఇచ్చింది. ‘జబర్దస్త్‌లో మీరు ఒక టీం, డైరెక్టర్‌తో గొడవ అయ్యి.. బయటకు వెళ్లిపోయారనేది నిజమేనా? ’ అని ఒక నెటిజన్ అడగ్గా..

అందులో నిజం లేదని చెప్పింది అనసూయ. మొత్తానికి బుల్లితెర వద్దు.. వెండితెర ముద్దు అని ఈమె అనుకోవడానికి జబర్దస్త్ వాళ్లతో గొడవలో ఇంకోటో.. ఇంకోటో కారణం కాదని.. సినిమాల్లో నటిగా నిరూపించుకోవడానికే అని చెప్పకనే చెప్పేసింది.