టాలీవుడ్ ఘన చరిత్రను అంతర్జాతీయ స్థాయికి తీసుకెళ్లిన చిత్రం బాహుబలి. ఆ సినిమాలోని విలన్ అయిన భ‌ళ్ళాల‌దేవుడు పాత్రకు ఎంత ఆదరణ వచ్చింది తెలిసిందే. ఆ పాత్రను ధరించింది రానా దగ్గుబాటి. అయితే తాజాగా రానా దగ్గుబాటి ఫ్యాన్స్ అందరికీ సర్పైంజ్ ఇచ్చాడు. అదేమంటే.. లాక్ డౌన్ కాలంలో లాక్ అయిన‌ట్టు ప్ర‌కటించి అందరిని ఆశ్చ‌ర్యానికి గురిచేశాడు. షాకిచ్చేలా త్వ‌ర‌లో తన ప్రేయ‌సి మిహీకాని వివాహం చేసుకోబోతున్నట్లు ప్రకటించేశారు. అయితే తాజాగా మే 20న ఇరు కుటుంబ స‌భ్యులు క‌లిసి ఎంగేజ్‌మెంట్‌, పెళ్లికి సంబంధించిన మాట ముచ్చ‌టా జరిపుకున్నట్లు తెలుస్తోంది.
అందులో భాగంగా డిసెంబ‌ర్‌లో లేదా వ‌చ్చే ఏడాది మొద‌ట్లో గానీ.. రానా వివాహం జ‌ర‌గ‌నున్నట్లు తెలుస్తోంది. కొద్ది రోజులుగా రానా, మిహీకాల పెళ్లి ఫోటోల‌తో పాటు వారి ప‌ర్స‌న‌ల్ విష‌యాలు సోషల్ మీడియాలో చ‌క్క‌ర్లు కొడుతున్న విషయం తెలిసిందే. అయితే తాజాగా మిహీకా టాటూ వైరల్ అయింది. ఆమె తన చేతిపై కాబోయే భర్త పేరులోని తొలి అక్షరమైన `R`ను, తన పేరులోని తొలి అక్షరమైన `M`ను లవ్ సింబల్‌తో కలిపి టాటూ వేయించుకుంది. ఈ ఫొటోను తాజాగా తన ఇన్‌స్టాగ్రామ్‌ ఖాతాలో షేర్ చేసింది మిహికా. ఇది రానా ఫ్యాన్స్‌ని ఎంతగానో అలరిస్తుంది. సోషల్ మీడియాని ఈ టాటూ ఇప్పుడు షేక్ చేస్తుంది అనడంలో సందేహం లేదు.